Këngëtarja e njohur kosovare, Fjolla Morina, është dënuar me gjashtë vjet burgim nga Gjykata e Kukësit.
Morina akuzohet për trafikim të armëve, ndërsa avokatja e saj, Aurora Guska, tha se do të ankohet ndaj këtij vendimi të gjykatës.
Tutje, Guska, theksoi se Morina, ka pasur në çantë vetëm një armë dhe atë aksidentalisht.
“Vendimin e gjykatës do ta ankimojmë. Ka pasur vetëm një armë, e ka pasur pa dashje, aksidentalisht në çantën e saj”, raporton abcnews.al, transmeton Albanian Post.
Artistja, Fjolla Morina, u arrestua më 19 shtator të vitit të kaluar në pikën kufitare të Morinës, dhe brenda makinës asaj iu gjetën dy armë zjarri.
Bashkë me Fjollën, me të ishte edhe i dashuri i saj, Fisnik Syla, si dhe shoferi.
Fjolla Morina u arratis më 20 janar pasi Gjykata e Kukësit, vendosi ndaj këngëtares vazhdimin e arrestit shtëpiak.
Apartamenti ku Morina qëndronte me qira ishte në qytetin e Kukësit, dhe ndërsa policia shkoi për kontroll, nuk e gjetën atë në banesë me ç ‘rast nisën hetimet.
Ndryshe, këngëtarja, pak ditë më parë i dha fund beqarisë, duke pranuar propozimin romantik të partnerit të saj në Maldive, ku edhe zhvilluan një ceremoni martesore që bëri bujë në shtypin rozë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ripërtëritja e legjitimitetit të dobësuar dhe largimi i fokusit nga ngërçi, faktorë që detyruan Kurtin të mendojë për zgjedhje të parakohshme
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi
