Gjermani: Armin Laschet i CDU-së ka mbështetjen e partisë për kandidaturën e kancelarit

Partitë shtetërore të Bashkimit Demokristian Gjerman (CDU) të Gjermanisë qëndruan pas udhëheqësit të tyre kombëtar, Armin Laschet, si kandidat për kancelar në zgjedhjet kombëtare të caktuara për në shtator. Ky vendim erdhi të hënën pas një takimi të zhvilluar në Berlin.

Në një konferencë shtypi, Sekretari i Përgjithshëm i CDU-së Paul Ziemiak konfirmoi atë që shumë prisnin. Laschet gëzonte “mbështetje të gjerë” midis partive rajonale të CDU-së.

Ky lajm i jep Laschet-it një hov të rëndësishëm, por vendimi përfundimtar mbi kandidaturën nuk është marrë ende, pasi rivali i Laschet, Markus Söder, kryeministri i shtetit bavarez dhe udhëheqësi i partisë si-motër të CDU-së, Unioni Social Kristian (CSU), refuzoi të hiqte dorë nga pretendimi i tij i mundshëm për kandidaturën, të cilën ai e kishte deklaruar të dielën.

Pas takimit të saj, pasditen e të hënës, CSU-ja deklaroi unanimisht se ata do të mbështesnin udhëheqësin e tyre për kandidaturën. Sipas agjencisë Reuters, Söder tha se mbështetja e partive rajonale CDU nuk ishte një mandat adekuat: Duhej “të hynte më gjerë në parti” për të përcaktuar se kush duhet të ishte kandidati i CDU/CSU.

Söder aktualisht gëzon më shumë popullaritet se Laschet midis popullatës gjermane në përgjithësi dhe midis votuesve të CDU-së. Por Laschet duket se ka mbështetjen dërrmuese të udhëheqjes së CDU-së. Deri më tani, vetëm dega në Berlin e CDU-së ka mbështetur publikisht kandidaturën e Söder-it.

Të hënën pasdite, Laschet u tha gazetarëve se ai do të fliste me Söder-in gjatë ditës, duke theksuar se 15 parti të shtetit ishin unifikuar në dëshirën e një vendimi të shpejtë.

Disa orë më vonë, sipas agjencisë së re DPA, Söder i tha një takimi të udhëheqjes së CSU-së se ishte kundër një vendimi të nxituar dhe bëri thirrje për bisedime me CDU-në në fund të javës.

Laschet kundër Söder-it

Në janar, CDU-ja zgjodhi Laschet si kryetarin e saj të ri të partisë. Në përgjithësi, lideri i partisë qëndron si kandidat për kancelar, por 60-vjeçari Laschet, kryeministri i shtetit më të populluar të Gjermanisë në Nordrhein-Westfalen, ka parë popullaritetin e tij në rënie. Kjo, pas rezultateve të dobëta në zgjedhjet rajonale të CDU-së në Rhineland-Palatinate, Baden-Württemberg dhe pakënaqësisë së përgjithshme me përgjigjen e qeverisë ndaj pandemisë COVID-19.

Të dielën, Söder tha në një takim të CDU-së: “Nëse CDU-ja do të ishte e gatshme të më mbështeste, unë do të isha gati. Nëse CDU-ja nuk e dëshiron këtë, atëherë ne do të vazhdojmë të punojmë së bashku pa hatërmbetje”.

Por zhvillimet e së hënës tregojnë se Söder-i ka një pengesë më të madhe për të ngjitur sesa rivali i tij: CDU-ja është forca dominuese në aleancën konservatore, dhe duhet një hap psikologjik shtesë që CDU-ja të heqi rolin e kandidatit për kancelar në CSU.

Në fakt, vetëm dy zgjedhje të përgjithshme gjermane kanë paraqitur një kandidat për kancelar të CSU-së më parë, dhe në të dyja rastet, ai nuk arriti ta fitonte kancelarinë: Në 1980, Franç Josef Strauss i CSU-së udhëhoqi aleancën me 44.5% të votave.

Pastaj në 2002, kandidati i CSU-së Edmund Stoiber përfundoi kokë më kokë me kancelarin Gerhard Schröder (të dy morën 38.5% të votave) por përsëri nuk arriti të gjente një koalicion që mund të rrëzonte qeverinë e udhëheqësit të SPD-së.

Çfarë është CDU e Gjermanisë?

Qeveria e tanishme gjermane, nën udhëheqjen Merkel, është një koalicion i madh centrist midis CDU-së dhe Social Demokratëve të qendrës së majtë (SPD).

Merkel, e cila ka qenë kancelarja e Gjermanisë që nga viti 2005 nuk do të qëndrojë më në zgjedhjet e përgjithshme të shtatorit. Sakaq, vakumi i pushtetit që ka lënë CDU-ja e qendrës së djathtë pritet të përballet me një rënie të popullaritetit.

Aleanca konservatore gjithashtu mori një goditje pasi disa anëtarë të Bundestagut të CDU/CSU u detyruan të tërhiqeshin pas akuzave për korrupsion.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.