Gjykata Evropiane e të Drejtave të Njeriut (GJEDNJ) ka urdhëruar qeverinë ukrainase të mos përdorë të dhëna nga telefoni celular e reporteres, Natalia Sedletska.
Më 27 gusht, gjykata e rrethit Pechersk në Kiev, miratoi një kërkesë nga Zyra e Prokurorit të Përgjithshëm për të lejuar hetuesit të shqyrtojnë të gjitha të dhënat nga telefoni i Sedletska-s nga data 1 korrik 2016 deri më 30 nëntor 2017.
Zëdhënësja e Radios Evropa e Lirë / Radio Liria, Joanna Levison, tha më parë këtë muaj se vendimi i gjykatës është “në kundërshtim me angazhimet e vetë Ukrainës për të promovuar dhe mbrojtur lirinë e shtypit”.
Sedletska është drejtuesja “Schemes”, një program televiziv antikorrupsion, i cili heton zyrtarë të lartë të Ukrainës, përfshirë Prokurorin e Përgjithshëm Yuriy Lutsenko. Pikërisht, ky ka qenë edhe shkaku pse gazetares i janë kërkuar të dhënat e shtatë muajve.
Shtetet e Bashkuara, Bashkimi Evropian dhe vëzhguesit e mediave ndërkombëtare kanë shprehur shqetësim lidhur me vendimin e gjykatës ukrainase.
Ambasada Amerikane në Ukrainë postoi në Twitter se mund të ketë “një efekt tronditës mbi lirinë e shtypit dhe përpjekjet anti-korrupsion në Ukrainë”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Erdogan do të takojë Biden më 9 maj
-
Zv.kryeministri i Irlandës thotë se politika e Mbretërisë së Bashkuar për Ruandën është “reagim i gjunjëzuar” ndaj migrimit
-
Kurti paralajmëron zgjidhje për Asociacionin dhe Kodin Civil për anëtarësim në Këshillin e Evropës
-
‘Ditët e Bujqësisë’: Bashkëpunim rajonal me fokus fuqizimin e bujqësisë dhe zhvillimin rural
