Ministrja e Punëve të Jashtme dhe Diasporës së Kosovës, Donika Gërvalla, bashkë me zëvendësministren Liza Gashi, kanë pritur në takim një grup të përfaqësuesve të shoqatave shqiptare nga diaspora, me të cilët kanë diskutuar mundësitë e bashkëpunimit, nevojat dhe sfidat me të cilat përballen këto shoqata dhe anëtarët e tyre.
Kështu është bërë e ditur përmes një njoftimi të Ministrisë së Punëve të Jashtme dhe Diasporës.
“Sot kërkesat që ju i keni, këndvështrimin tuaj, problemet që keni duam t’i dëgjojmë nga afër”, ka thënë Gërvalla teksa ka siguruar ata që nuk do t’iu mungojë mbështetja e Qeverisë së Kosovës për aktivitetin e tyre.
Po ashtu, gjatë këtij takimi ministrja Gërvalla ka theksuar se institucionet e Kosovës “nuk do ta harrojnë asnjëherë as bashkëpunimin e as kontributin e shoqatave të diasporës për vite me radhë për vendlindjen si në kulturë, arsim e në fusha tjera”.
Në anën tjetër, sipas këtij njoftimi thuhet se zëvendësministrja Gashi ka theksuar nevojën për kanalizim të energjisë dhe punës duke u bërë bashkë mërgata si dhe duke e ngritur nivelin e bashkëpunimit me institucionet në Kosovë.
“Vetëm duke u bërë bashkë mund të avancohet roli i mërgatës në shoqëritë ku jetojnë”, është shprehur ajo.
Ndërkohë, Gërvalla gjatë ditës së mërkurë ka zhvilluar edhe një takim virtual me homologen e saj nga Guinea Bissau, Suzi Carla Barbosa.
Së bashku kanë diskutuar për mundësitë e bashkëpunimit dypalësh me qëllim të krijimit të marrëdhënieve bilaterale në fusha me interes të përbashkët.
“U theksua nevoja për shkëmbime në fusha si kultura dhe ekonomia”, thuhet në njoftim, teksa theksohet se është gjatë këtij takimi është diskutuar edhe rreth sfidave me të cilat po përballen vendet si pasojë e pandemisë COVID-19.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE
-
Thaçi: Ëndrra ime është që të gjithë shqiptarët të jetojnë në një shtet
-
Thaçi për koalicionin me Ahmetin: E bëra për avancimin e shqiptarëve në Maqedoni të Veriut
-
Aksesi në SEPA avancon Kosovën drejt BE-së, thotë Bislimi
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE