“Drejt thellimit të raporteve në mes të Greqisë e Kosovës”, është titulli i një teksti në të përditshmen greke Kathimerini, ku shkruhet për vizitën e ministrit të jashtëm grek në Kosovë, Nikos Dendias.
“Ministri është takuar me të gjithë liderët institucionalë në Kosovë, si pjesë e planit të Athinës për të qenë më prezentë në Ballkanin Perëndimor”, thuhet pos tjerash në shkrim.
Për këtë arsye Dendias e kishte marrë me vete në vizitë edhe Zëvendësministrin për Zhvillim Ekonomik, Costas Frangogiannis.
“Kjo tregon edhe interesin e Athinës për zgjerimin e raporteve dhe bashkëpunimin ekonomik, sidomos në energji”.
Në këtë funksion të zgjerimit të raporteve, kanë ardhur edhe deklaratat e fundit për mbështetje të dialogut në mes të Kosovës dhe Serbisë, nga Greqia.
Edhe në një përgjigje me shkrim për Albanain Post, zyra e ministrit të jashtë kishte thënë se Greqia vazhdon të mos e njoh Kosovën, por ka qenë dhe vazhdon të mbetet një përkrahëse e paepur e dialogut dhe gjetjes së një zgjidhje finale mes Kosovës e Serbisë.
Gazeta Kathimerini është një nga më të lexuarat në Greqi dhe është media që konsiderohet e afërt me pushtetin dhe me burime brenda qeverisë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Meta thotë se Rama dhe Veliaj janë përfshirë në fushatë në Maqedoninë e Veriut, jo Kurti
-
Publikohet dokumenti i armëpushimit që Hamasi e pranoi, por Izraeli e refuzoi – 3 faza në 3 muaj
-
Lajçak pret përgjigje konstruktive nga Kosova e Serbia mbi kompromisin e propozuar për dinarin
