Forca e Sigurisë së Kosovës (FSK) dhe Policia e Kosovës, kanë kryer trajnim të përbashkët për përgatitje fizike për realizimin e detyrave në kuadër të njësive të tyre.
Lajmin e ka bërë të ditur FSK-ja përmes një komunikate për media.
“Komanda e Forcave Tokësore në Istog, ka realizuar trajnimin “Taktika me Njësi të Vogla” i adaptuar nga programi trajnues Pri-Rengjers i Ushtrisë Amerikane”.
“Përveç pjesëtarëve të Komandës së Forcave Tokësore, pjesë e këtij trajnimi ishin edhe pjesëtarë të Policisë së Kosovës, ku së bashku treguan përkushtim, disiplinë dhe gatishmëri të lartë për të operuar si pjesë e ekipit në të gjitha rastet kur kërkohet angazhimi i tyre”, thuhet në njoftimin e FSK-së.
Nga FSK-ja është treguar edhe arsyeja e kryerjes së këtij trajnimi.
“Me qëllim të ngritjes së kapaciteteve profesionale dhe gatishmërisë fizike të pjesëtarëve, Forca e Sigurisë së Kosovës organizon trajnime të tilla sfiduese që pjesëtarët të jenë sa më të përgatitur fizikisht dhe profesionalisht për realizimin e detyrave në kuadër të njësive të tyre”.
Ky është njëri ndër trajnimet e para të përbashkëta mes FSK-së dhe Policisë së Kosovës.
Ministri i Mbrojtjes, Ejup Maqedonci, ka bërë të ditur se në operacionin “Interflex”, janë trajnuar nga Forca e Sigurisë së Kosovës (FSK), rreth 34 mijë rekrutë.
Ministria e Mbrojtjes dhe Forca e Sigurisë së Kosovës kishte ofruar gatishmëri që të angazhojë instruktorë për të ndihmuar procesin e stërvitjes së ushtrisë ukrainase në kuadër të këtij operacioni.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Kushtëzimi i KiE-së me Asociacionin, Selimi: Kurti s’arriti të ndërtojë një platformë të mirë lobimi, shpërdoroi disa raste
-
Deputeti gjerman, Borrell-it: Jepi fund politikës së shurdhër ndaj Serbisë
-
Ka progres domethënës në negociatat për Gazën
-
Moska: “Sulmet hibride? Dezinformim dhe histeri anti-ruse nga NATO”
