“Fitore absolute, Omer Bajraktari do ta udhëheq Ulqinin”, triumfon koalicioni i Abazoviçit

Kryetari i lëvizjes qytetare URA, Dritan Abazoviç, shpalli fitoren absolute në zgjedhjet në Ulqin të koalicionit “Për një fillim të ri”, i cili përbëhet nga GP URA, Social Demokratët e Malit të Zi, Partia Socialdemokrate, Alternativa Shqiptare, dhe Partia Demokratike.

“Ulqini ka një kryetar të ri dhe quhet Omer Barjkatari. Siç e njoftuam, lista jonë është më shumë se dy herë më e fortë se vendi i dytë,” tha Abazoviç.

Ai tha se ulqinakët kësaj radhe nuk kanë pasur dilemë.

“Unë mendoj se duhet t’i drejtohemi qytetit, do të kemi një administratë të re të qytetit. Ky është një fillim i ri për qytetin, një rrugë drejt pajtimit dhe përparimit,” tha Abazovic.

Ai theksoi se unë e kam ndjekur prej kohësh politikën lokale, pa kujtuar se ndonjë koalicion ka pasur një rezultat të tillë.

“Dora jonë është e shtrirë për të gjithë. Le të bëjmë gjëra të mira për qytetin, le të fillojmë në rrugën e suksesit,” tha Abazoviç.

Ndërkaq fare i kënaqur me rezultatin zgjedhor nuk ishte Genci Nimanbegu, i cili vlerësoi se zgjedhjet e sotme ishin të vështira dhe shumë të parregullta për Ulqinin, por tha se do të vendosin se kush do të jetë kryetar i asaj komune.

“Ne nuk u kemi ofruar punë njerëzve dhe nuk kemi manipuluar. E shpëtuam elektoratin”, tha ai sonte pasi sapo kishin përfunduar zgjedhjet në Ulqin.

“Ne nuk kemi ecur me xhipa. Ne do të vendosim se kush do të jetë kryetar i Komunës së Ulqinit”, tha ai.

Sipas rezultateve preliminare, në zgjedhjet lokale për komunën e Ulqinit, koalicioni i udhëqur nga Lëvizja e Abazoviçit, “Për një fillim të ri”, fitoi 4 mijë 899 vota, koalicioni DPS – BS 2 mijë e 170, koalicioni DUA 1 mijë e 971, koalicioni Forca 1 mijë e 665 dhe Demokratët, 837 vota.

Në Ulqin morën pjesë pesë lista zgjedhore dhe në 38 vendvotime votuan 20 mijë e 392 votues.

Sipas DPS-së, partisë së presidentit malazez, Millo Gjukanoviç, koalicioni “Për një fillim të ri” fitoi 14 mandate, DPS 7, DUA 5, Forca 4 dhe Demokratët 2 mandate.

Kuvendi i Ulqinit numëron 33 mandate dhe ato forca politike që fitojnë shumicën zgjedhin kryetarin e komunës.

Partitë politike shqiptare garojnë të ndara në tre lista zgjedhore dhe për herë të parë formohet koalicion parazgjedhor nga dy parti politike shqiptare dhe tre parti qytetare, ndër të cilat është edhe Lëvizja Qytetare “URA” e mandatarit për kryeministër të Mali i Zi, Dritan Abazoviç.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.