Autoritetet në qytetin kinez Wuhan do të fillojnë testimin e popullsisë, pas rasteve të rishfaqura me coronavirus .
Deri më tani, Wuhan ka regjistruar shtatë raste të transmetuara në vend – infeksionet e para lokale në më shumë se një vit.
Qyteti, me 11 milionë banorë, u vu në qendër të vëmendjes në vitin 2019, pasi për herë të parë aty u zbulua virusi i COVID-19.
Rreth 15 provinca në të gjithë vendin janë prekur, gjë që ka bërë që qeveria të marrë masa të testimit masiv dhe kufizime të bllokimit.
Autoritetet i kanë atribuuar përhapjen e virusit variantit shumë ngjitës Delta dhe sezonit të turizmit vendas.
Njoftimi në Wuhan erdhi, ndërsa autoritetet kineze raportuan të martën e 3 gushtit, 90 raste të reja me virus.
Komisioni Kombëtar i Shëndetit tha se 61 prej tyre u transmetuan në vend – krahasuar me 55 raste lokale një ditë më parë.
Kina ka qenë kryesisht e suksesshme në kontrollin e virusit brenda kufijve të saj.
Autoritetet, deri më tani, kanë testuar 9.2 milionë banorë të Nanjing dhe kanë vendosur mbyllje për qindra mijëra njerëz.
COVID-19 rikthehet në Wuhan, raportohen shtatë raste
Pas pesë muajsh, COVID-19 rikthehet në Wuhan, të hënën e 2 gushtit.
Shtatë punëtorë migrantë rezultuan pozitivë dhe u dërguan në spitalet e caktuara për trajtime.
Njoftimi erdhi nga autoritetet e kryeqytetit Hubei, ku coronavirusi i ri u identifikua për herë të parë në fund të vitit 2019.
Personat e infektuar janë njerëz të gjithë të lidhur me zonën e zhvillimit ekonomik të qytetit, të izoluar menjëherë.
Autoritetet kanë kërkuar respektimin e rregullave anti-COVID, përfshirë përdorimin e maskës në publik, distancimin dhe larjen e duarve shpesh.
Lidhur me origjinën e virusit janë bërë studime të ndryshme.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pashkët Ortodokse sjellin fluks në pikat kufitare, dhjetëra mijëra kalime në 24 orë drejt Greqisë
-
A e sulmon Serbia, Kosovën? – Ulutas: KFOR-i i përkushtuar të parandalojë çdo rrezik të përshkallëzimit
-
Kryepeshkopi Janullatos uron Pashkën Ortodokse: Mesazhi i Krishtit kumbon në mes të melankolisë së luftës në Gaza, Ukrainë dhe vende të tjera
-
Aksident në Rrugën e Arbrit, radhë kilometrike e krijuar
Lajmet kryesore
-
Euro pranë rënies nën 100 lekë, çfarë pritet?
-
Arsimi është tkurrur, bie me 3.7% numri i nxënësve dhe studentëve në vitin e fundit akademik
-
Plani arab në katër etapa, për të ndaluar luftën në Gaza
-
Narrativa armiqësore, etiketime, fyerje, tendenca për kontroll – Mediat në Kosovë nën trysninë e pushtetit