Gjatë prillit të vitit 2021, projekti i Superligës Evropiane, që kishte 12 skuadra që krijuan një ligë të re futbolli, shkaktoi tërmet në sportin më të ndjekur në planet.
Edhe pse ideja u ‘shua’, të paktën publikisht, për 72 orë – ka muaj tashmë që po bëhet punë në prapaskenë për t’u kthyer me një version që iu intereson të gjithëve.
Mirëpo, çfarë u vu re shumë gjatë kohës kur Superliga po krijohej, ishte kundërshtimi me të gjitha forcat nga organi më i lartë i futbollit në botë, FIFA.
Së bashku me Ceferin dhe UEFA, presidenti i FIFA-s, doli kundër propozimit të Florentino Perez duke ndalur eventualisht shndërrimin në realitet të Superligës.
Mirëpo, dhjetë muaj më vonë, FIFA, si për çudinë e të gjithëve, ka pranuar një projekt tërësisht të njëjtë.
Bëhet fjalë për Superligën e Afrikës.
Superliga e Afrikës do të mbledhë së bashku, në tri kategori, ekipet më të mira të kontinentit afrikan.
Ligat do të ndahen në: Ligën veriore, Ligën qendër-perëndimore dhe Ligën juglindore.
Në këto tri liga, do të mblidhen 24 skuadrat më të mira nga kontinenti i Afrikës, të ndara në tetë skuadra për grup.
Ky projekt pritet që të mbledhë më shumë se 200 milionë euro në vit të ardhura për futbollin afrikan.
CAF, organi më i lartë i futbollit afrikan, së bashku me FIFA-n pritet që të zyrtarizojnë fillimin e këtij kompeticioni, në vitin 2023.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com