FIA dhe Formula 1 kanë lëshuar një deklaratë të përbashkët duke thënë se Grand Prix i Arabisë Saudite të së dielës do të vazhdojë, pavarësisht disa dyshimeve të mëdha rreth garës.
U diskutua se eventi do të duhej të anulohej pas sulmit me raketa në një depo nafte në Jeddah përpara garës.
“Formula 1 dhe FIA mund të konfirmojnë se pas diskutimeve me të gjitha skuadrat dhe pilotët, Grand PRIX i FIA Formula 1 i Arabisë Saudite 2022 do të vazhdojë siç ishte planifikuar”, thuhet në deklaratë.
“Pas incidentit të raportuar gjerësisht që ndodhi në Jeddah të premten, ka pasur një diskutim të gjerë midis të gjithë palëve të interesuara, autoriteteve të qeverisë saudite dhe agjencive të sigurisë, të cilët kanë dhënë garanci të plota dhe të detajuara se eventi është i sigurt”.
“Është rënë dakord me të gjitha palët e interesuara për të mbajtur një dialog të qartë dhe të hapur gjatë gjithë eventit edhe për të ardhmen.”
Joint statement on the Saudi Arabian Grand Prix pic.twitter.com/xsyYpvVmhB
— Formula 1 (@F1) March 26, 2022
Kujtojmë se sulmi që ndodhi më 25 mars synonte objektet e kompanisë kombëtare të naftës, Aramco, e cila është gjithashtu një sponsor global i Formula 1.
Kjo ishte java e tretë me radhë që objektet e Aramco-s sulmoheshin me përgjegjësinë që ka të ngjarë të merret nga lëvizja Houthi, si pjesë e rezistencës së tyre të vazhdueshme ndaj ndërhyrjes ushtarake të udhëhequr nga Arabia Saudite në Yemen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Mbingarkesa në gjykata, Shqipëria larg normës evropiane
-
Në Ballkanin Perëndimor gratë po vriten – është koha për të marrë masa
-
Financat ruse në rënie pasi SHBA-të goditën makinerinë e luftës të Vladimir Putin
-
Pahor: Jam duke u përgatitur për ta udhëhequr dialogun – kandidatura dorëzohet gjatë javës në Bruksel
