Ministri i Brendshëm, Bledi Çuçi, garantoi të hënën e 3 tetorit se lista e publikuar nuk ka qenë pjesë e sistemit MEMEX.
Sipas tij, kjo rrjedhje e të dhënave po hetohet nga kompania Microsoft dhe FBI-ja amerikane.
Pas përgënjeshtrimit të Policisë së Shtetit dhe kryeministrit shqiptar Edi Rama, zyrtari ka konfirmuar se nuk bëhet fjalë për një sulm ndaj databazës së policisë kriminale.
“Lista që është publikuar e them me garanci të plotë që nuk është databaza e sistemit Memex që ka policia kriminale. Ju e dini që na kanë sulmuar. Jemi në hetim, kemi një trupë shumë të mirë nga Microsoft që do rrinë këtu përgjatë”, u shpreh fillimisht Çuçi.
Zyrtari shtoi se sistemet do rikuperohen të gjitha.
“Kemi rikuperuar shumë sisteme në kohë rekord. Ka pasur edhe spekulime. Lista që është publikuar sot nuk është pjesë e databazës së sistemit Memex. Po hetojmë bashkë me FBI-në”, ravijëzoi ministri shqiptar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ranucci tregon pse nuk u transmetua pjesa e dytë e ‘Report’ për Shqipërinë
-
BE dënon sulmin ndaj gjyqtarit Tonin Stërkaj
-
Celibashi i bën thirrje Kuvendit të vendosë për votën e diasporës
-
“European Pravda”: Bislimi s’e përdori fjalinë “gati për luftë” në asnjë rast, pavarësisht se u pyet specifikisht për mundësinë e luftës