Emërime të reja në Prokuroritë e Tiranës dhe Durrësit, KLP-ja cakton Genti Zholin dhe Anita Jellën
Këshilli i Lartë i Prokurorisë ka njoftuar nëpërmjet një njoftimi emërimin e drejtuesit e prokurorisë së Apelit në Tiranë të shkallës së parë Durrës.
Genti Zholi do të jetë drejtuesi i ri i Prokurorisë së Apelit në Tiranë ndërsa Anita Jella është caktuar si drejtuese e Prokurorisë të Shkallës së Parë në Durrës.
Në njoftim shkruhet se në përfundim të procedurave për ngritjen në detyrë, KLP-ja vendosi unanimisht për caktimet e Anita Jellës dhe Genti Zholit. Sakaq ky vendim ka një kohëzgjatje tre-vjeçare nga data e hyrjes në fuqi.
“Sot, me emërimin e të dy drejtueseve, Këshilli vendosi të ndërpresë caktimet e përkohshme si drejtues në Prokurorinë pranë Gjykatës së Shkallës së Parë, Durrës dhe në Prokurorinë pranë Gjykatës së Apelit, Tiranë”, shkruhet më tej në njotim.
Sakaq, deri më tani, KLP-ja ka arritur të emërojë në detyrë katër drejtues prokurorie; në Prokurorinë pranë Gjykatës së Shkallës së Parë, Tiranë; në Prokurorinë pranë Gjykatës së Apelit, Tiranë; në Prokurorinë pranë Gjykatës së Shkallës së Parë, Elbasan dhe në Prokurorinë pranë Gjykatës së Shkallës së Parë, Durrës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’
