Milan-i është skuadra e fundit që ka hyrë në garë për transferimin e futbollistit të Sassuolo-s, Davide Frattesi-n.
Në garë për mesfushorin e talentuar ishin Roma, Inter dhe Arsenal, derisa së fundmi edhe kuqezinjtë kanë shprehur interesim.
Mesfushori nuk dëshiron të nënshkruajë kontratë të re me Sassuolo-n dhe kjo ka bërë që drejtuesit e klubit ta ulin kërkesën për të.
Sipas ‘Sport Mediaset’, Sassuolo duke ulur çmimin e kërkuar nga 40 milion në 30 milion euro, mund të hapë derën e transferimit të mesfushorit të tyre.
Attenta Roma, il Milan si inserisce nella corsa a Frattesi #milan #mercato #frattesi https://t.co/Np62xZJbC4
— SportMediaset.it (@sportmediaset) December 28, 2022
Roma është skuadra në ‘pole position’ për t’i siguruar shërbimet e 23-vjeçarit, pasi që mediat italiane deklaruan se edhe vetë ai e dëshiron një lëvizje në kryeqytet, aty ku i kishte marrë hapat e parë në karrierën e tij.
Por, verdhekuqtë tani duhet të përballen me konkurrencën e klubeve të mëdha, së fundmi edhe Milan-in.
Frattesi pari paraqitje të mira në gjysmë-sezonin e parë në Serie A, i cili në 15 ndeshje, shënoi katër gola.
AI është edhe pjesë e kombëtares së Italisë, ku deri më tani numëron tre ndeshje zyrtare me Kombëtaren A, derisa ishte edhe pjesë e skuadrave zinxhirë të të kaltërve.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
Lajmet kryesore
-
Strategjitë dhe metodat e shpërndarjes së lajmeve të rreme për keqinformim – Si i përdor Kremlini?
-
Shpërthim me lëndë plasëse në banesën e gjyqtarit në Shkodër
-
Blinken luan kartën saudite
-
“Do të mund ta padisin Serbinë në Gjykatën Evropiane pas anëtarësimit në KiE”, Osmani për familjarët e të zhdukurve
