Sulmuesi i Romës, Tammy Abraham, duket se është i destinuar për t’u rikthyer në Premier Leauge.
Manchester United dhe Arsenal kanë shfaqur interesim për të dëshiruarin e Jose Mourinho-s.
Dy klubet britanike kanë nevojë për të forcuar repartin e avancuar dhe 25-vjeçari anglez është i preferuari i tyre.
Topçinjtë duhet të bëjnë pa Gabriel Jesus, pasi braziliani dëmtoi gjurin në Kupën e Botës. Ai duhej t’i nënshtrohet një operacioni dhe pritet të kalojë një kohë të konsiderueshme jashtë fushave të lojës.
Nga ana tjetër, trajneri i Manchester United-it, Erik Ten Hag, e pëlqen Abraham-in, i cili gjithashtu është duke kërkuar për ta përforcuar repartin e sulmit.
Abraham u transferua në kryeqytetin italian nga Chelsea në verën e vitit 2021, dhe në Itali nisi menjëherë të ishte protagonist.
Ai shënoi 27 gola sezonin e kaluar, por gjërat kanë qenë të vështira këtë edicion me sulmuesin i cili nuk ka pasur të njëjtin produktivitet në gjysmën e parë të sezonit.
Sulmuesi i skuadrës verdhekuqe, ka shënuar vetëm katër gola në 21 ndeshjet që ka luajtur, por kjo nuk i ul vlerat e tij dhe në Angli besojnë se një aventurë e re do e motivonte për t’u zgjuar.
Abraham ka dhe tre vite e gjysmë kontratë, por Arsenal e United duan që të shfrytëzojnë formën e këtij edicioni, dhe me një ofertë të mirë mund ta shkëpusin nga Roma.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” në Këshillin e Evropës