Deputetja e Kuvendit të Kosovës nga radhët e komunitetit boshnjak, Duda Balje, ka uruar 14-vjetorin e shpalljes së Kosovës shtet të pavarur dhe sovran – dhe jo vetëm.
Urimi i Baljes në këtë përvjetor të Pavarësisë së Kosovës është më i veçantë, pasi që në nder të kësaj dite, deputetja shumë e komentuar për fizikun e saj, ka realizuar një fotosesion me veshje të mbushur me nuanca kombëtare.
Një fustan i zi dhe një xhaketë e qëndisur me kujdes që përfshinë ngjyrat e kuqe, të artë, të bardhën dhe të zezën, është veshja me të cilat Duda u shfaq në imazhet e publikuara në mediat sociale.
Madje, në një nga imazhet, Balje, ka pozuar duke bërë simbolin e shqiponjës me duar, ndërsa ka mbishkruar – “Urime ditëlindjen, shteti im i dashur”.
Duda Balje, numëron plot 14 vjet që kur është pjesë e Kuvendit të Republikës së Kosovës – pozitë të cilën e ka fituar me vullnetin e popullit.
Nuk ishin të rralla as intervistat, brenda të cilave nuk ka hezituar ta shfaqë krenarinë e saj e të qenit shtetase e Kosovës.
Së fundmi, Balje ka bërë bujë ndërsa gjatë një interviste në emisionin “Oxygen”, kishte thënë se e njeh një viktimë të dhunës seksuale – dhe kjo e fundit e njeh edhe dhunuesin, i cili sipas saj jeton në Graqanicë dhe është pjesëtar i Policisë së Kosovës.
“Dua të ndajë një moment me ju që e kam përjetuar para një viti. Ka qenë në Komisionin për të Drejtat e Njeriut një grua që ka përjetuar dhunë seksuale në kohën e luftës në Kosovë”, ka thënë Balje.
“E ka ditur kush është personi dhe e ka ditur se ku jeton ai. Ai e ka dhunuar disa herë atë dhe e ka njohur. Para një viti në komision ajo ka deklaruar se dhunuesi është pjesëtarë aktiv në Policinë e Kosovës dhe jeton në Graçanicë”, kishte shtuar ajo.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Tom Selleck zbulon pse ai pothuajse refuzoi një kërcim me Princeshën Diana në darkën e Shtëpisë së Bardhë në vitin 1985
-
Cardi B sqaron pse ajo iu referua stilistit të veshjes së saj në Met Gala si “aziatik” në vend të emrit të tij
-
Ariana Grande thotë se xhirimi i filmit “Wicked” ishte “transformues”
-
Rita Ora dhe Taika Waititi rrëmbejnë vëmendje me stilin e veshjes në Met Gala 2024