Dua Lipa zbulon krejt çfarë duhet të dimë mbi albumin e saj të ri të ardhshëm “Radical Optimism”

Këngëtarja me prejardhje nga Kosova dhe popullaritet ndërkombëtar, Dua Lipa ka zbuluar titullin, kopertinën, listën e këngëve dhe datën e publikimit të albumit të saj të tretë të plotë në studio.

I titulluar “Radical Optimism”, albumi do të publikohet më 3 maj dhe përbëhet nga 11 këngë, duke përfshirë dy këngët paraprake, “Houdini” dhe “Training Season”.

Në një kthesë intriguese të titullit, kopertina shfaq këngëtaren në ujë, vetëm disa metra larg nga një peshkaqen, shkruan Variety, transmeton AlbanianPost.

Këngëtarja zbuloi gjithashtu një pamje të re mjaft befasuese në një foto të re promovuese ku vetullat e saj mezi duken, duke e bërë atë të mbajë fronin si një artiste që përherë eksperimenton me dukjen,

Njoftimi përshkruan albumin si të frymëzuar nga energjia e vendlindjes së Duas, Londra, dhe vrazhdësia, ndershmëria, besimi dhe liria e muzikës pop të viteve të 90-ta.

“Disa vite më parë, një mik më prezantoi me termin ‘Optimizëm Radikal’. Është një koncept që më bëri jehonë dhe u bëra më kurioze pasi fillova të luaja me të dhe ta fusja në jetën time”, thotë Lipa në njoftim.

“Më goditi – ideja për të kaluar me hijeshi nëpër kaos dhe për t’u ndjerë sikur mund të përballosh çdo stuhi. Në të njëjtën kohë, e gjeta veten duke parë historinë e muzikës së psikidelisë, trip hopit dhe Britpop. Gjithmonë është ndjerë shumë optimiste për mua dhe ai ndershmëri dhe qëndrim është një ndjenjë që kam marrë në seancat e mia të regjistrimit”, ka shtuar ajo.

Ka pasur pak fjalë paraprake se si tingëllon albumi i ri.

Ajo kohët e fundit i tha New York Times se është frymëzuar nga “psikedelia e stilit të viteve 1970”.

Në fillim të vitit 2022, kur Lipa i tha Elton John në podcast-in e saj “Dua Lipa: On your service” se ishte në gjysmë të rrugës, por duke folur me Variety në fund të atij viti, ajo tha: “Ka marrë një kthesë të plotë ndërsa unë kam vazhduar të punoj dhe me të vërtetë ndjej tani që ka filluar të tingëllojë kohezive. Kështu që unë do të vazhdoj të shkruaj në muajt e parë të vitit të ri dhe do të shoh se ku do të më çojë kjo. Albumi është i ndryshëm – është ende pop, por është i ndryshëm në aspektin zanor, dhe ka më shumë një temë lirike. Nëse do t’ju tregoja titullin, gjithçka do të kishte kuptim – por mendoj se do të duhet të presim”.

Më poshtë gjeni listën e plotë të këngëve të “Radical Optimism”.

1. “End Of An Era”
2. “Houdini”
3. “Training Season”
4. “These Walls”
5. “Whatcha Doing”
6. “French Exit”
7. “Illusion”
8. “Falling Forever”
9. “Anything For Love”
10. “Maria”
11. “Happy For You”

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.