Dr. Dre nderohet me një yll në “Hollywood Walk of Fame”, Eminem e Snoop Dogg ishin aty për ta mbështetur

Rep artisti, Dr.Dre së fundmi u nderua me një yll në bulevardin e famës “Hollywood Walk of Fame”.

Artisti dhe producenti, 59 vjeç, u shfaq në ceremoni goxha i emocionuar, derisa aty për ta përgëzuar kishin ardhur edhe më të dashurit e tij.

Jimmy Iovine, i cili është bashkëthemeluesi i “Dre’s Beats Electronics” dhe CEO i “Interscope Geffen A&M”, dhe mik i vjetër dhe bashkëpunëtori i tij, rep artisti Snoop Dogg secili mbajtën fjalime në event.
Të pranishëm në audiencë ishin edhe dy ikonat e rep muzikës, Eminem dhe 50 Cent.

“Isha me fat që jetoja duke bërë punën që dua. A nuk është kjo një ëndërr? Përgjatë karrierës time, kam pasur nderin të gjej e të edukoj talent të rinj si dhe të shtyj kufijtë në fushën e hip-hopit përmes përmbajtjes së materialeve”, ka thënë Dre.

Ai shtoi se ndihet krenar që ka ndikuar në mënyrën se si u përjetua hip-hopi ndër vite.

Tutje, Dre ka thënë se e vlerëson shumë se si Hollywoodi i shpërblen artistët për punën që bëjnë dhe atë sesi u mundëson fansave të ndihen më afër artistëve të preferuar.

Tutje, Snoop Dogg shprehu falënderimet e tij mbi miqësinë dhe bashkëpunimin me Dr. Dre.

“Unë dua të falënderoj veten për dëgjimin e Dr. Dre gjatë viteve dhe lejimin e tij të jetë mësuesi im, mentori, vëllai, kujdestari dhe më e rëndësishmja, një mik i mirë për mua”, tha Snoop Dogg, 52-vjeç.

“Tani shikoni ne, më shumë se 30 vjet më vonë dhe ne ende jemi në studio dhe ti ende më bën të kryej çdo varg 100 herë. Të falënderoj që je një perfeksionist dhe gjithmonë më shtyn për të qenë i madh. Ti gjithmonë nxjerr nga më të mirën e Dogg-ut, Dr. Dre dhe këtë e vlerësoj. Nuk do të kishte Snoop pa Dre. Së bashku krijuam magjinë në studio dhe bashkëpunimet tona kanë lënë gjurmë në botën e muzikës”, shtoi ai tutje.

Në fjalën e tij, Lovine e quajti Dre “aleatin më të madh”.

“Dre është partneri, mik, aleati më i madh që mund të kem”, tha ai.

“Për të gjithë ju që dëshironi të futni në fushën e argëtimit, kur shkoni të flini sot në mbrëmje, lutuni që të takoni një Dr. Dre”, shtoi ai.

Nuk ishte çudi që Eminem, 51-vjeç ishte aty për të mbështetur bashkëpunëtorin e tij të kohëve të gjata.

Gjatë një interviste në “This Life of Mine me James Corden”, Dre kishte thënë se ylli i hitit “Love Yourself” mund të repojë më mirë se çdo tjetër rep artist – edhe pse është një “burrë i bardhë”.

“Imagjinata e tij është jashtë tabelave, dhe nuk mendoj se dikush do të mos pajtohej me këtë. Besoj se ai është MC më i miri i të gjitha kohërave dhe pa diskutim”, tha ai.

“Natyrisht, do të ketë debate për këtë sepse ai është një burrë i bardhë. Nuk mendoj që askush që repon mund ta arrijë Eminemin”, pati shtuar ai.

Ndërkohë, në vitin 2022, Eminem tha se qëndrimi i Dre në spital pasi përjetoi një aneurizmë në tru në janar të vitit 2021 ishte ajo që e çoi atë dhe Snoop Dogg të mbarojnë mosmarrëveshjen e tyre.

Në vitin 2022, Dre, Snoop Dogg, Eminem dhe 50 Cent performuan gjatë shfaqjes së “Super Bowl”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.