Borussia Dortmund-i është e gatshme të shesë në verë një prej yjeve më të spikatur të ekipit, Jadon Sancho-n. Për anglezin ka interes nga disa klube nga Premier Liga.
Sancho kërkohet nga Manchester United-i, Liverpool-i dhe Chelsea. Të tre ekipet janë të gatshme të bëjnë “çmendurinë” për të marrë shërbimet e 21-vjeçarit.
Sipas Daily Mail, Dortmund-i e ka vendosur tashmë çmimin për anësorin anglez. Klubi gjerman raportohet se do të pranojë oferta që kapin shifrën e 90 milionë eurove. Ndërkohë, vitin e kaluar refuzuan një ofertë mbi 120 milionë euro nga United-i.
Sancho u transferua në Dortmund në vitin 2017 nga akademia e Manchester City-t U18, për shifrën e 7.8 milionë eurove. Aktualisht kartoni i tij sipas Transfermarket-it vlerësohet 100 milionë euro.
Situata e vështirë ekonomike me të cilën po përballet Dortmund-i e “detyron” klubin të nxjerrë në shitje një nga dy yjet e tyre dhe duket se i sakrifikuari do të jetë Sancho dhe Erling Haaland-i do të mbahet në ekip.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
