Ish- portieri i Milan-it, Gianluigi Donnarumma, ka thënë se do të ndihet i lumtur nëse Napoli e fiton titullin kampion në Serie A.
Donnarumma mori pjesë në një ngjarje në Napoli të martën, duke thënë se ai do të ishte i lumtur nëse ekipi i Luciano Spalletti-t fitonin Scudetton këtë sezon.
“Ka pasur gjithmonë dashurinë time për Napolin që kur u bashkova me Milan-in. Napoli është qyteti im dhe nuk ka dyshime për të. Nëse Napoli fiton titullin, do të isha shumë i lumtur”, tha ai për Canale 21.
Donnarumma: “Sarei troppo troppo contento se il Napoli vincesse lo Scudetto” https://t.co/3rttS7GLqX
— MilanNews.it (@MilanNewsit) December 6, 2022
Portier i Paris Saint-Germain ka lindur në Castellammare Di Stabia në zonën metropolitane të Napolit më 25 shkurt 1999.
Ai u rrit në Napoli, derisa iu bashkua Milan-it kur ishte vetëm 14 vjeç.
23-vjeçari iu bashkua PSG-së si agjent i lirë në vitin 2021 pas përfundimit të kontratës së tij me Milan-in. Ai kishte luajtur 251 ndeshje me kuqezinjtë, duke mbajtur 88 herë portën e paprekur.
Napoli është lideri aktual i Serie A dhe skuadra e vetme e pamposhtur në elitën e futbollit italian.
Ata po shijojnë një epërsi prej tetë pikësh ndaj ish-klubit të Donnarumma-s, Milan-it dhe rifillojnë sezonin më 4 janar në një ndeshje jashtë fushe kundër Inter-it në “San Siro”.
Donnarumma bëri debutimin e tij për të kombëtaren A të Italisë në vitin 2016 dhe deri më tani numëron 50 ndeshje zyrtare, duke e fituar Euro 2020 dhe duke u shpallur lojtari më i mirë në turne.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com