Djali i futbollistit Phil Foden, fiton mbi një milion ndjekës në Instagram në më pak se 24 orë
Ronnie Foden, djali i yllit të Manchester Cityt, Phil, ka pushtuar Instagramin pasi katërvjeçari fitoi mbi një milion ndjekës brenda më pak se 24 orëve që prej hapjes së llogarisë.
I vogli është bërë goxha i njohur në mesin e tifozëve pasi ka marrë pjesë në festimet e fundit të Manchester Cityt, shkruan Mirror, transmeton AlbanianPost.
Paraqitja e tij në kortezhin e trofeve i ka dhënë atij pseudonimin ‘El Wey’ – ose ‘Dhude’ – mes mbështetësve dhe këtë popullaritet e ka transmetuar në mediat sociale.
Foden ka krijuar një llogari për djalin e tij me foton e parë të tij dhe Ronnie me mbishkrimin: “El Wey ka ardhur”.
Fotoja paraqet yllin e Manchester City duke ecur nëpër tunel me të birin mbi supet e tij teksa merr pesëshe nga mbështetësit që janë përkulur.
Ndërkaq, fotoja tjetër e ngarkuar është e Ronnie dhe babait të tij së bashku me Sergio Aguero në fushën e Stambollit pas triumfit të Cityt në Champions League.
“Një ditë që do ta kujtoj gjithmonë”, është mbishkrimi në imazhin tjetër, derisa i njëjti ka grumbulluar mbi 150 mijë pëlqime brenda orës së parë.
Aktualisht, babai dhe djali janë parë duke e shfrytëzuar maksimalisht pushimin e tyre veror me pushime familjare.
Futbollisti, Phil Foden është nderuar me një mural të ri të krijuar në qytetin e tij të lindjes, Stockport, pasi luajti rolin e tij në arritjen historike të Cityt.
23-vjeçari fitoi titullin e tij të pestë në Premier League, pavarësisht moshës së tij të re, duke prodhuar sezonin më të mirë të golave në karrierën e tij.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ekskluzive: Franca kërkon shtyrje të vendimit për anëtarësim të Kosovës në KiE
-
Shpërthimi i radhës nga Ilir Meta dhe synimi për të qenë koka e opozitës
-
Rama mbledh deputetët dhe ministrat për qeverisjen, korrupsionin dhe vizionin e ri 2030
-
Osmani s’ka hatërbetje me Kurtin edhe pse doli kundër tij: Kosovës i duhen miq për rrumbullakimin e shtetëformësisë – e ka mbështetjen paekuivokë