Persona të armatosur, të dyshuar si të lidhur me ISIL (ISIS) vranë shtatë persona dhe plagosën katër të tjerë në një tubim për iftar në provincën Deir Az Zor në Siri. Ish-zëdhënësi i Forcave Demokratike Siriane, Nouri Hamish, kishte shtruar darkën për të shënuar fundin e agjërimit të ditës në qytetin e Abu Khashab. Ai ishte në mesin e të vrarëve në sulm.
Sulmuesit mbërritën me motoçikleta dhe u larguan pasi fshatarët thuhet se u përballën me ta, shkruan “The Guardian”, përcjell Albanian Post.
ISIS ka shtuar sulmet e tij në verilindje të Sirisë, pasi forcat speciale amerikane vranë liderin e atëhershëm Abu Ibrahim al-Qurayshi dhe zëdhënësin e tij zyrtar.
Zëdhënësi aktual i ISIS-it Abu Omar al-Muhajir u bëri thirrje luftëtarëve të ISIS-it që të hakmerren për vdekjet e tyre më 17 prill në një mesazh audio të quajtur “Hakmarrja për dy Sheikët”.
Rreth 23 sulme të supozuara të ISIL-it kanë shënjestruar verilindjen e Sirisë gjatë 11 ditëve të fundit, sipas grupeve të monitorimit.
Në fund të janarit, luftëtarët e ISIL sulmuan burgun Ghwayran pranë Hassakeh, gjithashtu në verilindje, duke vrarë të paktën 120 luftëtarë të SDF.
Monitoruesi i luftës me bazë në Britani, Observatori Sirian për të Drejtat e Njeriut, thotë se ISIL ka kryer të paktën 82 operacione të tjera të armatosura në vitin 2022, të cilat kanë vrarë 63 civilë dhe luftëtarë të SDF.
Zyrtarët e Forcave Demokratike Siriane thonë se qelizat e fjetura të ISIL-it janë mobilizuar gjithnjë e më shumë në Sirinë verilindore. Organizata i është drejtuar sulmeve të stilit gueril që kur humbi pjesën më të madhe të territorit të saj në Siri dhe Irak në vitin 2019.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Spiunimi, hakerimi dhe frikësimi: Ekspozohet ‘lufta’ nëntëvjeçare e Izraelit kundër GJNP-së
-
Izraeli sulmon sërish Rafahun, të paktën 21 palestinezë të vrarë e dhjetëra të plagosur
-
Balla dhe Duka nënshkruajnë memorandumin për dënimin e dhunës në stadiume dhe trukimin e ndeshjeve
-
Prokuroria e Fierit sekuestron 6 pasuri, pasi dyshohet se rrjedhin nga trafiku i drogës
Lajmet kryesore
-
Qeveria lidhi 781 kontrata me negocim, 209 milionë euro në pyetje – Veç KEK-u dha 102 milionë euro me procedura të dyshimta
-
Rama dhe Bardhi replikojnë në distancë – sërish – për çështjen e Olsi Ramës
-
Izraeli sulmon sërish Rafahun, të paktën 21 palestinezë të vrarë e dhjetëra të plagosur
-
Afrim Gashi zgjidhet kryetar i Kuvendit të Maqedonisë së Veriut