Pas dhunimit të një aktivisteje transgjinore të komunitetit LGBTI+ të mërkurën e 16 qershorit, ka ardhur reagimi i Aleancës LGBTI dhe Ambasadës Gjermane në Shqipëri në rrjete sociale.
Aleanca sqaron më imtësisht rindërtimin e ngjarjes dhe kërkon reagimin e autoriteteve për ndalimin e 10 personave të përfshirë në incident.
Gjuha e urrejtjes prodhon dhunë!
Në solidaritet me aktivisten e dhunuar, u bëjmë thirrje autoriteteve, policisë dhe prokurorisë për reagim dhe drejtësi për të gjithë personat LGBTI+ që bien viktimë e dhunës! https://t.co/hIS75gAfNS
— Streha Center (@StrehaAlbania) June 16, 2021
Deklarata e Aleancës
“Në sfondin e deklaratave të rënda homofobike të ditëve të fundit që nxisin dhunë, urrejtje dhe diskriminim, një anëtare e komunitetit Transgjinor në vendin tonë është sulmuar sot – referuar ditës së djeshme – (16.06.2021) verbalisht e fizikisht në rrugët e Tiranës”, shkruhet në deklaratën e tyre.
Në deklaratë theksohet se dhuna e ushtruar ndaj L. 21-vjeçe, është e dokumentuar me foto.
Aleanca akuzon që dhuna është e nxitur nga të ashtuquajturit “profesionistë” nëpër studio televizive dhe në rrjetet sociale.
“Duke dënuar me ashpërsinë më të madhe këtë sulm, ne kërkojmë urgjentisht që rasti të zbardhet nga autoritetet dhe të vihen para drejtësise autorët e dhunës”, nënvizon deklarata e tyre.
Më tej, ato kërkojë gjithashtu që të ndalet menjëherë gjuha që nxit dhunë ndaj komunitetit LGBT, dhe një reagim të menjëhershëm të institucioneve përgjegjëse.
“Çdo anëtar i komunitetit LGBTI+ ka të drejtë të jetë i lirë në rrugë, shtëpi e në hapësirat publike, ndaj kjo është një ngjarje e trishtueshme dhe alarmante, që kërkon një përgjigje të shpejtë dhe të duhur në respekt të lirive dhe të drejtave themelore të njeriut, dhe në përmbushje të angazhimeve që institucionet kanë marrë përsipër”, përmbyllet deklarata e tyre.
Reagimi i Ambasadës Gjermane
Lidhur me incidentin, ka ardhur dhe reagimi i Ambasadës Gjermane në Shqipëri, të enjten e 17 qershorit.
“Me tronditje mësuam për sulmin brutal ndaj një anëtari të komunitetit të LGBTIQ mbrëmjen e djeshme në Tiranë. Sulmi, i cili mesa duket lidhet me identitetin seksual të viktimës, duhet të zbardhet plotësisht dhe menjëherë nga policia dhe organet e drejtësisë”, shkruhet në deklaratën e tyre.
Sakaq, ambasada kundërshton me vendosmëri çdo formë të dhunës verbale dhe fizike, në përgjithësi dhe e drejtuar kjo ndaj pakicave dhe anëtarëve të lëvizjes LGBTIQ.
“Ne do të vazhdojmë mbështetjen tonë për barazinë dhe kundër diskriminimit”, nënvizon ambasada.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Hasani ndalesë në Vjenë për hapjen e Konferencës për Sistemet Autonome të Armëve
-
Tregtarët e Belshit sërish në protestë për zhvendosjen e tregut, Bashkia: Zhvillimi i tregtisë aty ishte burim aksidentesh
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
Lajmet kryesore
-
Rama kërkon 20 milionë turistë vjetorë brenda 2030-ës, premton pagat më të mira në rajon për industrinë
-
Bardhi dhe Gjekmarkaj braktisin mbledhjen e Konferencës së Kryetarëve
-
Blinken ka ‘shpresë’ se Hamasi do të pranojë marrëveshjen ‘jashtëzakonisht bujare’ të Gazës
-
Kurti kërkon nga Scholzi “mbështetje të palëkundur” në Këshillin e Evropës
