Në Iran, dhjetëra nxënëse u shtruan në spital pas një helmimi misterioz, më të fundit në një varg sulmesh të dyshuara.
Qindra raste të shqetësimit të frymëmarrjes janë raportuar në tre muajt e fundit në mesin e nxënëseve iraniane, kryesisht në qytetin Qom, në jug të Teheranit, me disa që kanë nevojë për trajtim spitalor.
Një zyrtar qeveritar ka thënë se sulmet besohej të ishin një përpjekje e qëllimshme për të detyruar mbylljen e shkollave të vajzave.
“Sot në mesditë, një numër nxënësish u helmuan në shkollën e vajzave Khayyam në qytetin Pardis, provincën e Teheranit”, ka njoftuar agjencia e lajmeve “Tasnim”.
Referuar agjencisë, 35 nxënëse ishin transferuar në spital deri më tani, duke i shtuar qindra rasteve të helmimit që nga nëntori në të paktën dy qytete të tjera.
Helmimet vijnë më shumë se pesë muaj pas protestave që u përhapën në të gjithë Iranin për vdekjen në paraburgim të 22-vjeçares Mahsa Amini pas arrestimit të saj për një shkelje të dyshuar të kodit të rreptë të veshjes për gratë.
Të dielën, nxënëset e një shkolle vajzash në Borujerd u dërguan me urgjencë në spital pas një incidenti të ngjashëm, i katërti në qytetin perëndimor brenda javës së kaluar.
Zëvendësministri i Shëndetësisë i Iranit, Younes Panahi, ka thënë se disa njerëz ishin helmuar në një shkollë vajzash në Qom me qëllim mbylljen e arsimit për vajzat.
“Pas helmimit të disa nxënëseve në shkollat e Kumit, u zbulua se disa njerëz donin që të gjitha shkollat, veçanërisht shkollat e vajzave, të mbylleshin”, ka thënë ai.
Ai nuk ka dhënë më shumë detaje. Deri më tani nuk ka të arrestuar lidhur me helmimet.
Aktivistët i kanë krahasuar ata që janë përgjegjës për sulmet e dyshuara me talebanët në Afganistan dhe Boko Haram në Sahel, të cilët kundërshtojnë arsimimin e vajzave.
Javën e kaluar, prokurori i përgjithshëm i Iranit, Mohammad Jafar Montazeri, urdhëroi një hetim gjyqësor për incidentet.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës