Denaj i bën thirrje peshkatarëve të Shkodrës të rrisin bashkëpunimin me Bashkinë dhe Qeverinë
Ministrja e Bujqësisë dhe Zhvillimit Rural, Anila Denaj, gjatë një vizite në Shirokë të Shkodrës, u ka bërë thirrje peshkatarëve për të rritur bashkëpunimin me pushtetin vendor dhe qendror, me qëllim forcimin e ekosistemit natyror dhe kthimin e kësaj pasurie natyrore në një motor gjenerimi të ekonomisë për banorët e zonës.
Sipas ministres, Liqeni i Shkodrës nuk është thjesht gjenerues punësimi, por edhe i turizmit dhe zhvillimit ekonomik.
Në këtë vizitë, Denaj u shoqërua edhe nga kryetari i Bashkisë Shkodër, Benet Beci, si edhe nga drejtuesja socialiste e qarkut, Elisa Spiropali.
“Në vizitën e parë në terren në Shirokë, së bashku me kolegen Spiropali, të mikpritur nga Kryetari i Bashkisë Benet Beci dhe përfaqësuesit e shoqatës së menaxhimit të peshkimit, biseduam mbi të gjitha problematikat që ata kanë”, bën të ditur Denaj përmes një publikimi në media sociale.
Ajo theksoi se peshkatarët, të cilët jetën e tyre e kanë lidhur me peshkimin, nuk shërbejnë vetëm për familjet e tyre, por dhe për numrin e madh të turisteve vendas dhe të huaj, që gjatë këtij viti arritën shifra rekord.
Ministrja bëri të ditura edhe pikat mbi të cilat u diskutua me peshkatarët.
“Gjatë bisedës me ta diskutuam mjaft çështje si gjuetia pa kriter, pamundësia për të krijuar njësi ekonomike për kultivimin e peshkut, si dhe heqja e rrethimeve amatore”, sqaroi ajo.
Në mbyllje, duke e theksuar sërish rëndësinë e bashkëpunimit, ka ftuar peshkatarët të jenë të angazhuar me pushtetin vendor dhe qendror, për të marrë vëmendjen e duhur dhe për ta kthyer liqenin në motor të gjenerimit ekonomik për banorët e zonës.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Humza Yousaf do të japë dorëheqjen si ministër i parë i Skocisë që sot, sipas BBC
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
-
Rrëfimi rrëqethës i Ermal Metës për sulmet e panikut: Për një kohë të gjatë u vetësabotova, përfundova në telashe me sjellje të paqarta, terapia ishte themelore
-
Çfarë parashikon projektligji me kushtet e reja për abortin dhe lindjet invitro?