Gjatë ditës së djeshme (e hënë), “Transfermarkt” e kishte zyrtarizuar transferimin e Ermal Krasniqit nga Ballkani tek ekipi rumun, CFR Cluj.
Nga dyja skuadrat nuk pati ndonjë lajm për këtë lëvizje, megjithatë sot është zyrtarizuar ky transferim nga skuadra e Cluj.
“Klubet CFR 1907 Cluj dhe FC Ballkani, ish-kundërshtarët tanë nga grupet e Ligës së Konferencës, kanë arritur marrëveshje për transferimin e mesfushorit kosovar Ermal Krasniqi”, thuhet në njoftimin e klubit rumun.
“Mesfushori ofensivë 24-vjeçar ka luajtur për tri sezone e gjysmë te FC Ballkani, skuadër ku ka bërë 105 paraqitje. Në fanellën e kampionit të Kosovës, Krasniqi ka shënuar 39 gola dhe ka dhënë 17 asistime vendimtare”.
“Forma e mirë në sezonet e fundit tërhoqi vëmendjen e përfaqësueses së Kosovës dhe në nëntor të vitit 2022 mesfushori u thirr për herë të parë në kombëtare”.
“I urojmë mirëseardhje në Cluj dhe shumë suksese”, shkruan klubi i Cluj.
Transferimi i Krasniqit në Cluj (sipas Transfermarkt) është bërë për 400 mijë euro, derisa mban rekord së bashku me Arbnor Mujën, si transferimi më i shtrenjtë nga futbolli kosovar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
“Mund t’iu zhvatni lëkurën”, Alexander Clapp udhëtim në historinë kriminale në Mal të Zi
-
15 kompanive të mëdha u kërkohet të ndalojnë reklamat që nxisin dezinformimin rus në Ballkan
-
Situata në vijën e frontit është përkeqësuar, thotë shefi i ushtrisë së Ukrainës
-
Vdiq Ali Lajçi – ikona e “Pranverës ‘81”