Çfarë është Coronasomnia?

Kriza e vazhdueshme e COVID-19 e ka bërë pushimin e një nate të mirë, dukshëm më të vështirë. Disa ekspertë madje kanë një term për të: “koronasomnia”.

Ky është fenomeni që ka goditur njerëzit në të gjithë botën ndërsa përjetojnë pagjumësi të lidhur me stresin e jetës gjatë Covid-19. Në Mbretërinë e Bashkuar, një studim i gushtit të vitit 2020 nga Universiteti i Southampton, tregoi se numri i njerëzve që përjetojnë pagjumësi u rrit nga një në gjashtë, në një në katër.

Në Kinë, normat e pagjumësisë u rritën nga 14.6 përqind në 20 përqind gjatë pandemisë. Një “përhapje alarmante” e pagjumësisë klinike u vu re në Itali, dhe në Greqi, gati 40 përqind e të anketuarve në një studim të muajit maj u tregua se kishin pagjumësi. Fjala “pagjumësi” u kërkua në Google më shumë se kurrë më parë.

Valbona Tunuzliu Mejzini, psikologe, tha për Albanian Post se: pandemia rezultoi në rritjen e stresit për shkak të humbjes së vendeve të punës, ndikoi në zhvillimin e ankthit për arsye të paparashikueshmërisë së vendit ekzistues të punës, dhe zhvillimit të çrregullimeve të ndryshme mental, e në shumë raste rezultoi edhe në zhvillim të depresionit.

“Ndërsa pandemia ka vazhduar për një periudhë të konsiderueshme kohore, ekziston një mundësi e madhe që normat e pagjumësisë të mos ulen” u shpreh Mejzini.

Pagjumësia, qoftë në një pandemi apo jo, është një çrregullim që ta vështirëson jetën. Të kesh probleme vazhdimisht  të biesh në gjumë, ose të përjetosh gjumë me cilësi të dobët, mund të çojë në ndikime afatgjata shëndetësore duke përfshirë ankth, depresion, sëmundje kardiovaskulare dhe diabet.

Pamjaftueshmëria e gjumit të cilën shumë autoritete shëndetësore e klasifikojnë si më pak se shtatë orë në natë, gjithashtu ndikon në punën tuaj, shumë studime kanë treguar se kjo ju prish përqendrimin tuaj, rrit kohën e reagimit dhe ndikon në disponimin tuaj.

Por ka një numër gjërash që njerëzit mund t’i bëjnë vetë. Fillon me marrjen e hapave për të luftuar stresin e lodhjes nga COVID-19.

Mbani një rutinë normale ditore

Krijoni dhe mbani një rutinë të shkoni në shtrat: Filloni të fikni dritat rreth gjysmë ore para gjumit. Dritat e ndritshme do ta mbajnë trurin tuaj nga prodhimi i melatoninës natyrore (një hormon që është pjesë e ciklit tonë natyror të gjumit dhe na ndihmon të flemë).

Shmangni ekranet në dhomën e gjumit

Drita blu nga celularët, tabletët dhe kompjuterët sinjalizon trupin tonë që të qëndrojë zgjuar dhe të mos lëshojë melatonin. Mos e përdorni dhomën tuaj të gjumit, dhe veçanërisht shtratin tuaj, si zyrë, pasi ju duhet të stërvitni trurin tuaj se ky është vendi ku pushoni.

Bëni disa ushtrime gjatë ditës

Ushtrimet zvogëlojnë stresin dhe mbajnë trupin në ritmet e tyre normale. Sidoqoftë, është më mirë të përfundoni stërvitjen disa orë para gjumit për t’i dhënë trupit tuaj kohë për t’u ftohur dhe ngadalësuar.

Mos bëni një sy gjumë

Një sy gjumë i shkurtër nuk do të dëmtojë, nëse nuk është vonë gjatë ditës, por të flini më gjatë do të heqë ciklin tuaj të gjumit. Kjo është një arsye tjetër për të mos u shqetësuar për një natë të keqe. Është më mirë të jesh i lodhur për një ditë dhe pastaj të bësh një gjumë të mirë, gjatë natës.

Merrni pak rreze dielli

Rrezet e diellit ndihmojnë për të mbajtur ritmet cirkadiane të trupit, në atë mënyrë që trupi të mund të  prodhoj melatonin gjatë natës, jo gjatë ditës.

Mos hani darkë vonë

Nëse jeni duke shkuar për të fjetur në orën 11 pasdite, përpiquni të mos hani pas orës 19:00. Ju duhet t’i jepni trupit tuaj kohë për ta tretur atë. Kur shkoni për të fjetur, trupi juaj dëshiron të mbyllë të gjithë punën metabolike, përfshirë tretjen.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.