Capital T kritikohet ashpër nga fansat për “heqjen e simbolit katolik nga skenat e klipit”
Ditë më parë rep artisti, Capital T, kishte publikuar video projektin e tij më të ri muzikor “Buzëqeshje”, ndërsa pos produktit, bujë bënë edhe fansat e shumtë të cilët kishin vënë re se në skenat e klipit mungonte një kryq i Katedrales së Shën Shtjefnit në Shkodër.
Në video klipin e këngës “Buzëqeshje”, që numëron afro 3 milionë klikime në YouTube, mungesa e kryqit i ka penguar fansat katolik të rep artistit, të cilët theksuan se – “shqiptarët respektojnë të gjitha fetë”.
“S’e kuptoj se çfarë punë ju prish kryqi? Shqipëria është kjo, fatmirësisht me kryqe e minare, ça të bëjmë ti fshijmë?!” shkruan një komentues.
Ndërkohë, një komentues tjetër shprehet – “ke bërë gabim ke fshirë kryqin që është te kisha… Nuk është diçka e mirë kjo. Çdo vend fetar duhet respektuar… në myslimanët e kemi dhe në Kuran që duhet të respektojmë çdo besim fetar”.
Pas kritikave që rep artisti ka marrë, më në fund doli edhe një sqarim nga vetë ai, i cili ka shpjeguar se nuk ka qenë ideja e tij për heqjen e simbolit katolik, por ky ka qenë një gabim i produksionit.
“Nëse unë kam një qëndrim do e kisha mbajt, s’jam nga ata që tërhiqem. Por kam qenë promovues i qyteteve, objekteve fetare, plazheve e bukurive natyrore në krejt shqiptarinë dhe realisht jam ndër të parët që kam xhiru nëpër kisha”.
“Por gabimet ndodhin, unë s’jam kameraman, as editues dhe e vërteta është që s’kam dorë në këtë gabim të produksionit dhe po bëjmë gjithçka që ta zëvendësojmë”, shkruan ai.
Capital T po ashtu ka theksuar se në postimit të tij pranë të njëjtës kishë, ai nuk e kishte fshehur simbolin katolik.
“Si ka mundësi të më pengoj në klip, por jo në Instagramin tim personal?! Ku është logjika këtu? Futeni pak trurin në funksion”, shkroi ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbreti Charles emëron Princin William në rolin e ri ushtarak, pozita pritej t’i jepej Princit Harry
-
Olivia Munn thotë se ajo kishte një histerektomi në mes betejës së saj me kancerin
-
Chris Pine shprehet i sinqertë për luftën e kaluar me aknet, thotë se “e di se sa dëshpëruese mund të jetë”
-
Meghan Markle shfaqet me gjerdanin me kryq të princeshës Diana, një dhuratë nga Princi Harry
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë