Buffon: Ronaldo shkatërroi ekipin e Juventus-it

Gianluigi Buffon është bërë emri i fundit i madh në futbollin italian që flet keq për ndikimin e Cristiano Ronaldo–s në Juventus pas ardhjes së tij në vitin 2018 nga Real Madrid.

Portugezi iu bashkua “zonjës së vjetër” të Italisë nga Los Blancos për një periudhë tre vjeçare, kohë në të cilën shumë rreth futbollit italian besojnë se Juventusi dështoi.

Pasi kishin fituar shtatë tituj radhazi të Serie A para ardhjes së tij, ata fituan dy të tjerë përpara se të humbnin nga Interi sezonin e kaluar.

Larg skuadrës vendase, Juventusi kishte qenë në dy finale të Ligës së Kampionëve në katër vitet para ardhjes së tij, por kurrë nuk arriti përtej çerekfinaleve me portugezin.

“Juventus kishte shansin për të fituar Ligën e Kampionëve vitin e parë që ai ishte atje, kur unë isha në Paris Saint-Germain, nuk mund ta kuptoja se çfarë ndodhi”, tha Buffon.

“Kur u ktheva, punova me të për dy vjet dhe ia dolëm mirë, por mendoj se Juventusi humbi ADN-në e ekipit me Ronaldo-n në skuadër”.

“Ne arritëm në finalen e Ligës së Kampionëve 2017 sepse ishim një ekip i mbushur me përvojë, por mbi të gjitha ishim të bashkuar, e humbëm atë ndjesi me Ronaldo-n”.

Leonardo Bonucci kishte thënë më parë për The Athletic se lojtarët e Juventus-it në mënyrë të pandërgjegjshme u mbështetën tepër te Cristiano Ronaldo pas mbërritjes së tij.

Duke parë ditët e tij pas lojës, portieri i Parmës shprehu dyshime për atë që mban jeta e tij në futboll kur i mbyll dorezat.

“Nëse më pyet tani se çfarë do të bëj më pas, sinqerisht nuk e di nëse do të jem trajner”, tha Buffon.

“Duke ditur se si jam, mendoj se ajo që do të dua të bëj është të përmirësohem”.

“Fakti që nuk e kam fituar Ligën e Kampionëve e mban gjallë shpirtin tim konkurrues. Jam në formë të mirë”.

“Ndoshta nëse do të kisha fituar tashmë Ligën e Kampionëve do të isha pensionuar, sepse nuk do të kisha mbetur ndonjë arritje e rëndësishme për të synuar”, përfundoi Buffon.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.