Këngëtarja e muzikës pop, Britney Spears duket se është përmalluar goxha shumë për fëmijët e saj, derisa këta të fundit po përgatiten të largohen nga Kalifornia.
Për më tepër, ylli i hitit “Ops, I did it again” ka lënë të kuptohet se dëshiron që t’i përmirësojë raportet me djemtë e vet – e të gjitha këto, ajo po i ndan me ndjekësit e vet në mediat sociale.
“Dashuria ime e parë”, ka shkruar Britney, në një foto të publikuar ku shihej djali i saj Sean Preston.
Postimet e Spears, po cilësohen si interesante nga fansat, marrë parasysh marrëdhënien e tensionuar me djemtë e saj, sidomos tani pas kërkesës për transferim në Hawaii, të babait të tyre, Kevin Federline dhe gruas së tij, Victorias.
Federline i ka kërkuar Spears, të nënshkruaj planin e zhvendosjes dhe javën e kaluar ajo e bëri këtë akt përmes avokatit të saj, Mathew Rosengart.
Vlen të theksohet, ajo nuk i ka parë djemtë e saj, Jayden dhe Sean Preston prej më shumë se një viti, kështu që postimet e veta në mediat sociale, japin një shenjë se ajo është e hapur për t’u pajtuar para se ata të transferohen në ishuj.
Kujtojmë se së fundmi Britney i ka përmirësuar raportet edhe me nënën e saj, Lynne Spears, çka mendohet se mund të ndikojë në ndreqjen e marrëdhnieve edhe me Jayden e Sean.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Mbreti Charles është në gjendje jo të mirë”, thonë burimet pranë pallatit
-
Jeannie Mai akuzon Jeezy-n për abuzim në familje dhe neglizhencë të fëmijëve mes divorcit të vazhdueshëm
-
Dua Lipa “magjike” në tepihun e kuq të “Time 100”
-
Princi William viziton një shkollë angleze me qëllim të trajtimit të stigmës ndaj shëndetit mendor
Lajmet kryesore
-
Aksioni i Frontex në Ballkan jep efekt, bien drastikisht kalimet e jashtëligjshme
-
Mbi 14 milionë turistë priten këtë vit, Balla: Policia e Shtetit i ka marrë të gjitha masat
-
Ose të dëgjojë SHBA-të ose të përgatitet për përshkallëzim – zgjedhja i takon Izraelit
-
Kurti për vizitën dy ditore në Gjermani: Kryefjala e vizitës ishte rëndësia e anëtarësimit të Kosovës në KiE