Drejtori i Qendrës për studime të Evropës Juglindore në Universitetin e Graz, Florian Bieber, përmes një postimi në rrjetin e tij social në Twitter, ka kritikuar Indeksin e Demokracisë për vitin 2021 të publikuar nga Njësia e Inteligjencës së revistës prestigjioze “The Economist” duke quajtur atë si “Indeks i çuditshëm i demokracisë”.
Bieber, është çuditur nga fakti se si Kosova nuk është përfshirë në këtë listë e ndërsa ka pyetur se në çka është bazuar indeksi në fjalë kur e ka renditur Serbinë si shtetin më të mirë sa i përket vlerave demokratike në Ballkanin Perëndimor.
“”Indeks i çuditshëm i demokracisë nga ‘The Economist’. Kosova ende nuk shpërfillet derisa rendisin Serbinë më mirë sesa Malin e Zi dhe Maqedoninë e Veriut në aspektin e procesit zgjedhor dhe pluralizmit [politik]. Pse nuk përfshihet Kosova dhe cila është baza për ta renditur Serbinë më të mirën në Ballkanin Perëndimor për sa i përket demokracisë? Nuk përputhet me indekset e tjera dhe as me realitetin””, ka shkruar Bieber në Twitter.
Strange Democracy Index by @TheEIU. Still ignores 🇽🇰 & ranks 🇷🇸better including in electoral process and pluralism than🇲🇪🇲🇰. Why is Kosovo not included & what is basis for ranking Serbia best in WB6 in terms of democracy? Doesn't match other indices and reality. pic.twitter.com/iknBN8CRmU
— Florian Bieber (@fbieber) February 10, 2022
Në këtë Indeks, Mali i Zi dhe Maqedonia e Veriut janë në pragun e “demokracive me të meta”.
Shqipëria dhe Serbi janë në po atë kategori e ndërsa Bosnja kategorizohet si “regjim hibrid”.
Ndryshe Kosova nuk është përfshirë fare në këtë majte, njëjtë edhe si në vitin e kaluar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com
