Gjatë intervistës që ka dhënë kryedemokrati Lulzim Basha për mediat shqiptare, ka deklaruar ndër të tjera se ai “është i pari dhe i vetmi kandidat që e ka mundur Edi Ramën”.
Çelësi i fitores, sipas tij, ishte vendimi për të përjashtuar Sali Berishën nga fushata për Bashkinë e Tiranës.
“Unë jam i pari dhe i vetmi kandidat që e kam mundur Edi Ramën. Nuk e kam thënë çelësin e fitores. Ka qenë vendimi për të përjashtuar Sali Berishën nga fushata”, tha Basha gjatë fjalës së tij.
Sa i takon vendimit të vështirë për përjashtimin e ish-liderit demokrat, ai është shprehur se është këshilluar me të gjithë.
Për Bashën, Berisha duhet të ishte larguar vetë. Ky i fundit, sipas numrit një të demokratëve, duhet që të kishte lënë kryetarin që të hapte një rrugë të re.
Referuar pozitës së tij, Basha nënvizoi se dhe ai ka përgjegjësitë e tij.
“Për vendimet që janë marrë; ato janë të konsultuara me forumet e PD dhe me ngulm nga Berisha”, ravijëzoi ai në përmbyllje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Humza Yousaf do të japë dorëheqjen si ministër i parë i Skocisë që sot, sipas BBC
-
Karabina: PD është e vendosur në mbështetjen e pakushtëzuar ndaj SPAK-ut, nëpërmjet amendamenteve të saj
-
Rrëfimi rrëqethës i Ermal Metës për sulmet e panikut: Për një kohë të gjatë u vetësabotova, përfundova në telashe me sjellje të paqarta, terapia ishte themelore
-
Çfarë parashikon projektligji me kushtet e reja për abortin dhe lindjet invitro?