Sekretari i Përgjithshëm i Partisë Demokratike, Gazment Bardhi, gjatë një debati televiziv i ka kujtuar deputetit të PD-së, Flamur Noka, se kanë “dy muaj që merren me njëri-tjetrin, ndërkohë që duhet të merreshin me Edi Ramën”.
Fillimisht ishin këndvështrimet e ndryshme mbi protokollin që përplasën dy anëtarët e PD-së.
Ishte Noka ai që akuzoi se janë hequr pika nga neni për mbledhjen e Kuvendit.
Sipas tij, 4 mijë e 200 formularët u dorëzuan tek i vetmi institucion i ligjshëm, Kuvendi Kombëtar.
“Ata kanë firmosur për shkarkimin e Bashës dhe Bardhit, nuk mund t’i çoj t’i verifikojnë ata”, iu drejtua Noka – numrit dy të PD-së.
Për Bardhin, kjo përplasje nuk është një çështje versionesh.
Sekretari ka theksuar se çdo letër protokollohet në zyrën e protokolleve.
Ai ka nënvizuar se Noka e di procedurën si mblidhet Kuvendi Kombëtar apo faktin që vulosen dhe protokollohen shkresa.
“Çdo shkresë që hyn merr një numër protokolli. Nuk ka ndryshuar statuti dhe nenet janë identike me ato të vitit 2009”, ka siguruar Bardhi.
Në përplasje e sipër, deputeti ka ravijëzuar se vepron sipas statutit jo fjalëve të sekretarit Bardhi.
Duke folur për dialog, numri dy i PD-së, deklaroi se nëse Noka do të kishte pasur interes – do të kishte ndjekur procedurën që ai vetë e ka thënë më 29 tetor.
“Kryetari”, sipas Bardhi, “nuk ka folur për përjashtime, por mbrojtje të interesave të PD-së”.
Sekretari garantoi se nëse dikush e dëmton atë interes – rregullat e statutit do të duhet të zbatohen.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës