Babai i Erling Haaland zbulon se Real Madrid ishte zgjedhja e tretë e djalit të tij

Babai i Erling Haaland ka zbuluar arsyet e vendimit të djalit të tij për t’iu bashkuar Manchester City-t, ndërsa shtoi se Real Madrid-i ishte i treti në listë.

Lajmi vjen nga dokumentari ‘Haaland: The Big Decision’, ndërsa shpjegon procesin pas vendimit të norvegjezit për t’iu bashkuar gjigantëve anglezë nga Borussia Dortmund.

The Times ka publikuar deklaratën e bërë nga Alfie Haaland, i cili mund të shihet duke folur për opsionet e ndryshme të djalit të tij.

“Në listën tonë, mendoj se City është skuadra më e mirë. “Bayern Munich është numri dy. Ne kemi Real Madrid-in si numrin tre, Paris Saint-Germainin numrin katër”.

“Ne gjithashtu kemi disa skuadra angleze përveç City-t që janë mjaft të mira. Liverpool dhe Chelsea. Gjithashtu, është Barcelona. Ata janë në të njëjtin rresht”.

Në dokumentar, Haaland shton se trajneri i City-t, Pep Guardiola, luajti një rol në vendimin e tij.

“Unë kurrë nuk jam transferuar në një klub për shkak të menaxherit”, tha Haaland. “Por është një plus i madh me Guardiolën te City, pasi ai është trajneri më i mirë në botë”.

“Është projekti më i mirë sportiv në botë për momentin dhe këtu do të bëj më të mirën time”.

Haaland zbuloi gjithashtu se disa lojtarë të City-t e bindën atë të bashkohej me skuadrën pas ndeshjes së Ligës së Kampionëve të Dortmundit me skuadrën angleze në 2021.

“Pas asaj loje, mendoj se 15 persona thanë se duhet të vij”, shtoi ai. “Stones dhe Ruben Dias, Gundogan, Foden, De Bruyne…”

Duke u dëshmuar tashmë në Gjermani, Alfie shton se djali i tij dëshiron të tregojë vlerën e tij në të gjitha ligat e mëdha.

“Unë mendoj se Erling dëshiron të provojë aftësitë e tij në të gjitha ligat. Pastaj ai mund të qëndrojë atje për tre ose katër vjet më së shumti. Ai mund të jetë, për shembull, dy vjet e gjysmë në Gjermani, dy vjet e gjysmë në Angli dhe pastaj në Spanjë, Itali, Francë”.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.