Avokatët e Juventus-it do ta paraqesin mbrojtjen në rastin e “manovrës së pagave”

Avokatët e Juventus-it janë gati të paraqesin mbrojtjen e klubit në rastin e “manovrës së pagave”, një hetim që mund të çojë në rikthimin e dënimit të pikëve në Serie A.

“Zonja e Vjetër” është akuzuar se ka mashtruar bursën, duke fryrë vlerat e transferimeve të lojtarëve për të falsifikuar fitimet kapitale dhe për partneritete të dyshimta me klube të tjera italiane.

Një aspekt kyç i këtij rasti është akuza se klubi u paguan fshehurazi paga lojtarëve për të cilat ata kishin deklaruar publikisht se do të hiqeshin.

“Tuttosport” detajon se si avokatët e klubit do t’i paraqesin dokumentet e tyre mbrojtëse, përpara se t’i dorëzojnë dokumentet Giuseppe Chine-s dhe Prokurorisë së FIGC, të cilët më pas do të kenë 15 ditë për të shqyrtuar mbrojtjen përpara se të vendosin nëse do t’i referojnë bardhezinjtë në gjykatë apo jo.

#Juve, oggi le memorie difensive sull'inchiesta della 'manovra stipendi': obiettivo eliminare articolo 4 e nuova penalizzazione https://t.co/JxM1f5ZY0o pic.twitter.com/6pL22nQa5Q

— calciomercato.com (@cmdotcom) April 27, 2023

Një listë e gjatë e drejtuesve aktualë dhe ish-drejtues të Juventus-it është njoftuar, duke përfshirë Andrea Agnelli, Pavel Nedved, Fabio Paratici, Federico Cherubini, Cesare Gabasio, Giovanni Manna, Paolo Morganti dhe Stefano Braghin.

Prokurori i FIGC, Chine, beson se në sezonet 2019-20 dhe 2020-21, Juventus-i pagoi lojtarët fshehurazi, derisa deklaroi se ato paga nuk janë paguar – pjesë kjo që ishte lidhur me pandeminë COVID-19.

Në fakt, akuza është se klubi ka shkelur “parimin e kontabilitetit të kompetencës ekonomike”.

Avokatët e Juventusit duan të shmangin daljen në gjyq nëse akuzat lidhen me nenin 4 – që lidhet me besnikërinë sportive, i cili lejon zbritjen e pikëve në ligë – dhe në vend të kësaj shpresojnë ta transformojnë atë në nenin 31 – në lidhje me kundërvajtjet administrative, i cili lejon vetëm për një gjobë.

Bardhezinjtë do të përpiqen gjithashtu të krijojnë një marrëveshje paragjyqësore për pranimin e fajësisë, e cila do t’i lejonte ata të gjysmën e dënimit që do të vendosej në gjyq.

Kujtojmë që Juventus fillimisht u dënua me minus 15 pikë lidhur me këtë rast, por një javë më parë pikët iu rikthyen.

Mbetet të shihet se cili do të jetë vendimi i fundit i Federatës së Futbollit të Italisë.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.