Në Lituani, policia po përcakton rrethanat e fluturimit të një avioni misterioz.
Ky i fundit ka fluturuar pa leje në hapësirën ajrore të gjashtë vendeve anëtare të NATO-s.
Lajmi u bë i ditur nga portali vendas LRT, përcjell Albanian Post.
Të enjten në mbrëmje, autoritetet bullgare njoftuan se një avion i vogël ishte nisur nga Lituania.
Ai fluturoi mbi disa vende të Evropës Lindore pa leje, duke tërhequr vëmendjen e forcave ajrore.
Një ekip i panjohur u largua nga avioni pas uljes në Bullgari.
Ministri i Brendshëm bullgar Bojko Rashkov u tha gazetarëve se avioni u ngrit nga Lituania dhe fluturoi pa leje mbi Poloni, Sllovaki, Hungari, Serbi, Rumani dhe më në fund arriti në hapësirën ajrore bullgare.
Në total, avioni fluturoi rreth 1 mijë e 600 kilometra.
Një zëdhënës i departamentit të policisë, Ramunas Matonis, deklaroi për agjencinë bullgare “BNS” se një hetim paraprak për rastin nuk ka filluar ende dhe “rrethanat janë duke u sqaruar”.
Mësohet se në avion ndodheshin dy persona.
Ata nuk kishin një plan fluturimi të miratuar, transponderët e avionit ishin të çaktivizuar.
Piloti nuk iu përgjigj pyetjeve të radios dhe sinjaleve vizuale. Në Hungari dhe Rumani, avioni për në Bullgari shoqërohej nga luftarakë.
Air Navigation i tha BNS-së se nuk kishte marrë plane fluturimi për 90 ditët e fundit dhe se ekuipazhi i avionit nuk kishte kontaktuar me operatorët.
Sipas portalit LRT, ky avion i tipit “Piper PA-23-250 Aztec” është shitur javën e kaluar nga drejtori i Aeroportit Nida, Bronius Zaronskis.
Megjithatë, ai pretendon se nuk e di se kush kanë qenë blerësit.
“Ata nuk ishin lituanianë. Nuk mund të them se nga cili vend janë – ndoshta ukrainas, ndoshta rumunë apo bullgarë. Ne folëm me një person në rusisht. (…) Nuk i di emrat e njerëzve, unë nuk ka qenë i interesuar”, deklaroi ai për portalin LRT.lt.
Sipas Zaronskis, avioni është blerë nga një organizatë.
Ai shtoi se avioni ishte me gjashtë ulëse dhe se njerëzit që e blenë ishin miqësorë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Ripërtëritja e legjitimitetit të dobësuar e largimi i fokusit nga dështimi, faktorë që detyruan Kurtin të mendojë për zgjedhje
-
Ballkani Perëndimor duhet ‘të përqafojë’ energjinë e rinovueshme për ngrohjen qendrore
-
Aktet e solidaritetit të palestinezëve do të demonizohen, por kurrë nuk kanë qenë kaq të forta
-
Takimi i shtatë për dinarin – “rasti i fundit” për një zgjidhje kompromisi