Kancelari austriak Sebastian Kurz ka deklaruar të dielën e 16 majit, se nëse ai ka dhënë dëshmi të rreme në komisionin parlamentar, pret që të akuzohet. Por ai përjashtoi idenë e dorëheqjes nëse ngrihet padi kundër tij.
Nga ana tjetër ai kërkon që të shpallet i pafajshëm në rast se hetimi kundrejt tij ka nisur padrejtësisht.
Hetimi nga prokurorët antikorrupsion ka nisur të mërkurën e 12 majit, përbën një sfidë të ashpër politike për konservatorin Kurz, 34-vjeçar. Kurz qeveris në koalicion me të Gjelbrit.
Kancelari e ka cilësuar veten si viktimë e partive të opozitës. Sipasj tij po përpiqen ta fusin në kurth për të thënë diçka që mund të interpretohet si dëshmi e rreme përpara komisionit.
Për shkak të kësaj dëshmie Kurz po hetohet për korrupsion nën koalicionin e tij të mëparshëm me Partinë e Lirisë (FPO) të ekstremit të djathtë, e cila u shemb në vitin 2019.
“Pasi çdo fjalë e imja në 58 faqe (e dëshmisë) të vendoset në shkallë, unë sigurisht që pres një ankesë penale, është e drejtë”, tha Kurz, duke shtuar se ai nuk ishte marrë ende në pyetje nga prokurorët.
Por ai tha se ishte i bindur se do të shfajësohej për çështjen, e cila përqendrohet në faktin nëse ai u përgjigj me vërtetësi kur u pyet për emërimet në kompaninë shtetërore OBAG.
Një sondazh i opinionit botuar nga gazeta Oesterreich, tregoi se konservatorët e Kurz-it fitonin mbështetjen prej 35% nëse zgjedhjet parlamentare do të mbaheshin tani, me 1 pikë më pak se një javë më parë dhe 2.5 pikë nga rezultatet e tij në zgjedhjet e vitit 2019.
Partnerët e saj të Gjelbër ishin me 12%, në vendin e katërt pas Social Demokratëve me 22% dhe FPO-së me 17%.
Për çfarë po hetohet Kancelari?
Komisioni ka shqyrtuar emërimin në vitin 2019 të një besniku konservator si shefi ekzekutiv i OBAG-UT.
Shefi ekzekutiv menaxhon aksionet e e kësaj kompanie duke përfshirë firmën e naftës OMV.
Mesazhet me tekst të shqyrtuara nga komisioni treguan Kurz duke i thënë kandidatit para se ai të merrte “gjithçka që dëshironi”.
Hetimi po shikon nëse Kurz diskutoi emërimin me kandidatin paraprakisht. Si dhe nëse kancelari ishte i përfshirë në zgjedhjen e anëtarëve të bordit mbikëqyrës të OBAG-ut.
Të dyja këto akuza Kurz i ka mohuar para.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’