Arsenal-i po kërkon me çdo kusht të marrë shërbimet e futbollistit serb të Fiorentina-s, Dusan Vlahovic-it.
Sipas spanjolles “Sport”, anglezët kanë gati ofertën për të bindur klubin dhe lojtarin.
“Topçinjtë” janë gati të ofrojnë 58 milionë paund te Fiorentina për 21-vjeçarin. Ndërsa, për të bindur lojtarin, atij pritet t’i ofrohet deri në 300 mijë paund në javë.
Juventus-i, Manchester City dhe Tottenham-i janë gjithashtu në garë për sulmuesin.
Ai ka vetëm gjashtë muaj kontratë me klubin viola.
Vlahovic-i ka shënuar 23 gola në 29 paraqitje për Fiorentina-n këtë sezon. Serbi ka refuzuar kategorikisht çdo rinovim kontrate që i është ofruar nga italianët.
21-vjeçari është përforcimi i duhur për Mikel Arteta-n. Pierre-Emerick Aubameyang-u pritet të largohet, pas shkeljeve disiplinore të herëpasherëshme që ka kryer.
Alexandre Lacazette-s i përfundon kontrata verën e ardhshme dhe gjithashtu pritet të largohet. Një tjetër emër në sulm që varet nga ardhja e Vlahovic-it është Eddie Nketiah. Nëse serbi vjen tani në janar, ai do të kalojë te Crystal Palace.
Arsenali gjithashtu ka shfaqur interes për sulmuesin e Evertonit, Dominic Calvert-Lewin dhe Jonathan David-in nga Lille. Ata janë të interesuar edhe për mesfushorin e Lyonit, Bruno Guimaraes-in.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës