Atletja e SHBA-ve, Allyson Felix mund të cilësohet padiskutim si “specialiste” e medaljeve në Lojëra Olimpike.
35-vjeçarja e lindur në Los Anxhelos të Kalifornisë ka arritur të marrë 11 medalje në karrierën e saj, nga të cilat shtatë janë të arta.
Felix është renditur në një nga 100 njerëzit më me ndikim në botë për vitin 2020 në revistën “Time”.
Atletika për Felix-in filloi që kur ajo ishte në shkollë, në klasën e nëntë. Me kalimin e kohës ajo u stërvitë për atletikë, ku edhe i vëllai i saj ishte atlet, ndërsa aktualisht është agjenti i saj.
Gara e parë ndërkombëtare ku ajo mori pjesë ishte në vitin 2001 në Kampionatin Botëror për të Rinjë të mbajtur në Hungari ku doli në vendin e parë për garën e 100 metrave.
Me kalimin e viteve, Felix ka marrë pjesë në disa Kampionate Botërore, Pan-Amerikane etj. Por, ato që kanë më shumë rëndësi janë Lojërat Olimpike.
Në Athinë 2004, ajo doli në vendin e dytë me medalje argjendi në garën e 200 metrave.
Në Pekin 2008, gjithashtu mori medalje argjendi në garën e 200 metrave, por arriti të fitonte edhe medaljen e parë të artë në garën e 4×400 metra.
Në Londër 2012, ajo fitoi tre medalje dhe të treja ishin të arta, përkatësisht në garat 200 metër, 4×100 metër dhe 4×400 metër.
Në Rio 2016, Felix fitoi gjithashtu tre medalje, dy të arta dhe një argjendi. Medalje të artë mori në garat 4×100 metër dhe 4×400 metër, ndërsa argjendi në garën e 400 metrave.
Në Tokio 2020, ka fituar dy medalje, një ari dhe një bronzi. Medaljen e arit e fitoi në 4×400 metra dhe të bronzit në 400 metra.
Me arritjet në Tokio 2020, Felix-i është bërë zyrtarisht atletja olimpike më e dekoruar e SHBA-ve, duke lënë pas Carl Lewis-in, i cili ka arritur të fitojë 10 medalje.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Përcaktohen gjysmëfinalet e ‘Final Four”, në rrugën drejt titullit kampion
-
“Abissnet Superiore” për vajza/ Vllaznia mund Apoloninë në finale & shpallet kampione e Shqipërisë për herë të 11-të
-
Final Four ‘pasuron’ katër ekipet pjesëmarrëse me bonuset e majme
-
Fonseca mohon marrëveshjen me Marseille mes lidhjeve me Milan-in
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë