Ahmeti, Mickoski-t për “emisarët”: Kristijan, kam hyrë në politikë si kryengritës, s’dal puthadorë
Kryetari i bashkimit Demokratik për Integrim, njëherit lider i “Frontit Evropian”, i ka thënë liderit nacionalist të VMRO-DPMNE-së, Hristjan Mickoski-t, se ka hyrë në politikë si kryengritës, dhe nuk do të dalë si “puthadorë”.
Këto komente, Ahmeti i ka bërë si kundërpërgjigje ndaj deklaratave të Mickoski-t, i cili më herët gjatë ditës tha se Ahmeti po i dërgon emisarë për të krijuar bashkërisht qeverinë, pas zgjedhjeve parlamentare të 8 majit.
“Kristijan, unë kam hyrë në politikë si kryengritës dhe nuk dal puthadorë, të merremi vesh. Mua për 22 vjet më ka votuar populli, mua në politikë, pas demobilizimit dhe konsultave që kam pasur me dy drejtues shqiptarë, Arben Xhaferin dhe Imer Imerin, të dy më kanë thënë, hy në politikë, bëje shtëpinë tënde, dhe unë e bëra”, tha Ahmeti gjatë një tubimi elektoral në Dibër.
“Dhe tash Kristijan unë kam bërë Frontin, bashkë me bashkëdrejtuesit që drejtojnë partitë politike shqiptare në vend këtu, por që këtë Front Krisitjan, e ka bërë më të pathyeshëm edhe kyçja e komuniteteve që ju i nënçmoni, që ju i përbuzni, si atë turk, komuniteti turk, komuniteti boshnjak, komuniteti rom, dhe ne po përpiqemi që këtë kushtetutë që e kemi ta bëjmë edhe më të afërt me qytetarët e Republikës së Maqedonisë”, deklaroi Ahmeti.
Ahmeti i kundërpërgjigjet Mickovskit: Je rritur me keksa, mos kërko bela – mati fjalët
Ndryshe, partia nacionaliste maqedonase VMRO-DPMNE, më në krye liderin e saj, Hristjan Mickoski, gjithë fushatën e tyre zgjedhore e kanë reduktuar në sulme ndaj BDI-së, posacërisht kryetarit të saj Ahmeti.
Maqedonia e Veriut më 8 maj do të mbajë zgjedhjet presidenciale dhe raundin e dytë të atyre presidenciale.
Te kampi shqiptar garojnë dy tabore, “Fronti Evropian” dhe koalicioni “VLEN”.
Këto zgjedhje mbahen pak javë pas raundit të parë të atyre presidenciale (24 prill), të cilat, Bujar Osmani, i “Frontit Evropian” në kampin shqiptar i fitoi me një diferencë rreth 40 mijë votash ndaj Arben Taravarit të VLEN.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Rama: Po bëjmë negociata me Filipinet për të marrë krahë pune
-
“Asnjëherë s’më ka lënë në baltë – është i pa korruptuar”, Gërvalla me fjalë të mëdha për Kurtin
-
Kandidatja e partisë së Macron thotë se është mashtruar duke bërë një foto grupi ‘neo-naziste’
-
Haradinaj: E mbështes shpërbërjen e Kuvendit vetëm pas dorëheqjes apo shkarkimit të Kurtit
Lajmet kryesore
-
Kurti: Zgjedhjet më mirë në verë se në dimër, s’ka rëndësi a qeverisë edhe 10 muaj, apo edhe 3 muaj
-
Nisma e PS, Delegacioni i BE-së: Të mos preket reforma në Drejtësi
-
Izraeli thellon ofensivën në Rafah dhe rihyn në zonat veriore të Gazës
-
Krasniqi: Dallime me Kurtin kemi, por diskutimin e patëm të mirë