A do të nevojitet një dozë e tretë e vaksinës?

Studiuesit, mjekët dhe institucionet shëndetësore po mendojnë nëse do të jetë e nevojshme të administrohet një dozë e tretë, duke filluar nga vjeshta për ata që ishin ndër të parët që u vaksinuan në fillim të vitit.

Nuk ka ende përgjigje përfundimtare dhe kjo do të varet nga rezultatet e hulumtimeve të vazhdueshme për të vlerësuar kohëzgjatjen e imunizimit që ofrojnë vaksinat.

Përdorimi i një doze të tretë do ndikonte ndjeshëm në fushatat e vaksinimit, të cilat veçanërisht në gjysmën e parë të vitit pësuan ngadalësime të shumta për shkak të mungesës së dozave të disponueshme.

Disa vende kanë filluar ta vlerësojnë këtë mundësi dhe të hartojnë plane, në pritje të një përgjigje më të qartë nga studiuesit.

Kujtesa imune

Në përgjithësi, kur sistemi ynë imunitar ndesh dhe mëson të kontrollojë një patogjen (të tillë si një virus ose bakter), ai mban një kujtim të kërcënimit të hasur.

E njëjta gjë ndodh pas marrjes së një vaksine, e cila lejon të stërvitni sistemin imunitar pa rrezikun e sëmundjes duke rënë në kontakt me patogjenin aktual.

Kundrejt disa viruseve apo baktereve, kujtesa imune mbetet praktikisht e pandryshuar edhe pas shumë vitesh dhe ofron mbrojtje për jetën. Për disa kërcënime të tjera është e përkohshme dhe tenton të zhduket me kalimin e kohës.

Në rastin e coronavirus-it aktual, ende nuk është plotësisht e qartë nëse trupi ynë zhvillon një kujtesë imune në planin afatgjatë, ose nëse e mban kujtesën vetëm për disa muaj.

Pragu

Problemi, si në pothuajse të gjitha fushat e mjekësisë, është se secili prej nesh është i ndryshëm dhe për këtë arsye mund të ketë mospërputhje të mëdha midis rasteve individuale.

Ka nga ata që sëmuren përsëri me COVID-19 disa muaj pas shërimit, ata që rezultojnë me pak antitrupa ndaj serologjikes ende janë të mbrojtur dhe ata që mund të infektohen përsëri, por pa shfaqur simptoma.

Në një kontekst të tillë është e vështirë të nxirren përfundime të përgjithshme në lidhje me sëmundjen apo në lidhje me ri-infektimet dhe në lidhje me aftësinë e sistemit tonë imunitar.

Një test i thjeshtë serologjik nuk është gjithmonë i mjaftueshëm për të përcaktuar me siguri nëse ka apo jo akoma mbrojtje ndaj virusit. Disa subjekte mbrohen me pak antitrupa, ndërsa të tjerët jo, pavarësisht se kanë nivele më të larta të antitrupave.

Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.