Skuadra e Golden Eagle Yllit ka shënuar fitore ndaj Rahovecit me rezultat 62:70, duke barazuar serinë e ndeshjeve në 1:1 në kuadër të “Play-off”-i të gjysmëfinaleve të Five Star Superligës së Kosovës në basketboll.
Mysafirët nga Suhareka e nisën shumë mirë ndeshje, duke dominuar në çerekun e parë, ku kishin epërsi deri në 13 pikë, derisa kjo pjesë përfundoi me rezultat 13:25 në favor të Yllit.
Vendasit nuk u dorëzuan dhe u kundërpërgjigjen shpejt, duke ngushtuar epërsinë në 31:35, ndërsa shifrat në semafor pas çerekut të dytë ishin 31:37 në favor të mysafirëve.
Lojë interesante u zhvillua edhe në periodën e tretë, ku therandasit u shkëputen sërish në 37:50, ndërsa rezultati pas 30 minutash ishte 47:55.
Pavarësisht prej epërsisë së Yllit, asgjë nuk kishte përfunduar sepse vreshtarët u rikthyen në 10 minutat e fundit, duke ngushtuar shifrat në 62:66, por nuk arrijnë të bëjnë më shumë.
Dhe në fund, Golden Eagle Ylli triumfoi 62:70, kështu duke barazuar serinë e gjysmëfinaleve në 1:1.
Derisa dy ndeshjet e radhës do të zhvillohen në Suharekë, kurse skuadra që shënon tre fitore do të kualifikohet në finalen e madhe.
Te Rahoveci u dallua Ed Daniel me 19 pikë e 14 kërcime, kurse te Golden Eagle Ylli u dalluan Demetris Morant me 11 pikë e 9 kërcime, Elyjah Clark me 18 pikë dhe Erjon Kastrati me 13.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Rusia po komploton sabotim në të gjithë Evropën, paralajmërojnë agjencitë e inteligjencës
-
Për britaniken Express, Dhërmiu është destinacioni më i bukur evropian për pushimet 2024
-
Të porsalindurit në Luhansk ‘konfiskohen’ nga rusët
-
Serwer e cilëson “marrëzi” kërkesën e ndërkombëtarëve që Kurti të kryejë “vetëvrasje politike” për Asociacionin