Kreu i burgosur i opozitës ruse, Alexei Navalny, është zhvendosur në një pavion spitalor dhe ka kryer testin ndaj Covid-19 pasi shfaqi probleme me frymëmarrjen.
Kritiku i ashpër ndaj presidentit Vladimir Putin, deklaroi javën e shkuar se do të hynte në një grevë urie. Shkak u bë pamundësia për të takuar një doktor, pas problemeve që ai shfaqi me rënien në peshë.
Sipas raportimeve, dy të burgosur të tjerë rezultuan të kishin sëmundjen e tuberkulozit. Navalny ka thumbuar me këtë fakt, duke thënë se “nëse ka tuberkuloz, ky do të jetë një lehtësim, pasi do t’i duhet të hajë ushqim më të mirë”.
Kritiku i Kremlinit ka akuzuar se kushtet në burg “janë kundër çdo të drejte dhe lirie themelore të njeriut”. Sipas tij, natën e zgjojnë çdo orë nga gjumi dhe nuk e lënë të pushojë.
“Nëse kam tuberkuloz, atëherë ndoshta do të më ikë dhimbja nga shpina mpirja e gjunjëve”, shkruhet në faqen e tij në Instagram. Kjo e fundit, menaxhohet nga bashkëshortja dhe avokati i tij, të cilët përcjellin çdo mesazh të Navalny-t, që prej çastit kur ai u burgos, më 17 janar 2021.
Ndër simptomat e tjera të rëndësishme për Covid, ishin temperatura e lartë që ai kishte dhe kolla e thatë.
Pavioni ku Navalny është shtruar nuk bëhet i ditur nga autoritetet. Gjithsesi, disa raportime thonë se kryeopozitari rus po e vazhdon grevën e urisë edhe në spital.
Nga organizata ndërkombëtare Amnesty International ndërkaq, ka dyshime se Rusia po vepron “për ta vrarë dalëngadalë Navalny-n”. Sekretarja e Përgjithshme e organizatës, Agnes Callamard, shkruan në Twitter se ka komunikuar me Putin-in.
“Ka një prospekt se Russia po e bën Navalny-n të vdesë ngadalë. Ai duhet lejuar të takojë një mjek menjëherë. Lironi Navalny-n”.
I have written to Vladimir Putin over Aleksei #Navalny arbitrary arrest and deteriorating health condition. There is a real prospect that #Russia is subjecting him to a slow death. He must be granted immediate access to a medical doctor he trusts and he must be freed #FreeNavalny
— Agnes Callamard (@AgnesCallamard) April 5, 2021
Protestat gjithashtu vazhdojnë në Rusi për lirimin e tij nga burgu.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.comLajmet kryesore
-
Zgjedhjet evropiane dhe loja e aleancave
-
Si u zbulua rrjeti ndërkombëtar i mashtrimi përmes call center, ku përfshihet dhe Shqipëria
-
Policia e Shtetit duhet të rrisë rezultatet dhe besimin e publikut, thotë Balla
-
Szunyog: Sulmet fizike, kërcënimet, gjuha e urrejtjes ndaj gazetarëve në Kosovë është për t’u shqetësuar