Si sot 72 vjet më parë, në kryeqytetin amerikan, Washington D.C., u themelua Organizata e Paktit të Atlantikut të Veriut (NATO).
Sekretari i Shtetit në SHBA, Antony Blinken, ka uruar themelimin e organizatës, në vitin 1949.
“72 vjet. Ende duke vazhduar fuqishëm. Një aleancë e vyer, e cila na mban të sigurt dhe na sjell prosperitet. Gëzuar përvjetorin NATO”.
Organizata ka aktualisht 30 vende anëtare. Ajo u themelua më 4 prill 1949, në Washington, SHBA.
Vendet themeluese janë: SHBA-ja, Franca, Britania e Madhe, Italia, Kanadaja, Holanda, Belgjika, Norvegjia, Danimarka, Portugalia, Luksemburgu dhe Islanda.
Sipas traktatit, organizata ndihmon nëse një nga vendet përfshihet në luftë ose gjendet në rrezik. Anëtarët dhe fuqitë e tyre ushtarake ndërhyjnë në shuarjen e konfliktit.
NATO ndërhyri me fuqitë ushtarake duke bombarduar Serbinë dhe duke i dhënë fund luftës në Kosovë.
Shqipëria është anëtarësuar në NATO më 1 prill 2009. Më 4 prill 2009 ndërkohë, vendi ynë është përfaqësuar për herë të parë në samitin e organizatës.
Shqipëria ka kaluar nëpër disa momente kryesore, për t’u anëtarësuar në Organizatën e Traktatit të Atlantikut të Veriut NATO.
Në vitin 1992, Shqipëria u pranua zyrtarisht në Këshillin e Bashkëpunimit të Atlantikut të Veriut (NACC). Këshilli ishte organizmi i parë që Aleanca krijoi për të ndërtuar marrëdhëniet me shtetet që dolën nga regjimet komuniste në Evropën Qendrore dhe atë Lindore.
Nga viti 1992 deri në vitin 1999, qeveritë shqiptare vazhduan përpjekjet rreth procesit të aderimit. Gjatë këtyre viteve, vendi u përfshi në iniciativa të ndryshme dhe nënshkroi disa dokumente që do t’i hapnin rrugën procesit të anëtarësimit të plotë.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Europapa apo Baby Lasagna? – Garuesit për t’u pasur kujdes në Eurovision 2024
-
Kurti në Kongresin e socialistëve evropianë: Qëndrojmë në mbrojtje të demokracisë përballë autokratëve
-
Universitetet izraelite nuk mund t’u mësojnë hebrenjve amerikanë as gjënë themelore për të drejtat dhe lirinë e njeriut
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës