Të martën janë raportuar dy vdekje të dy personave, një në Ferizaj dhe një në Veri, derisa rastet janë cilësuar si “vdekje të dyshimta”.
Lajmi është bërë i ditur nga Policia e Kosovës në raportin 24-orësh.
Sa i përket vdekjes në Ferizaj, ka të bëjë me një 18 vjeçar, i cili ka vdekur në vendin e punës dhe i njëjti është dërguar pa shenja jete në spitalin e qytetit.
“Është raportuar se viktima mashkull kosovar është sjellë pa shenja jete në QE-Ferizaj, ku dyshohet se derisa ka qenë në vendin e punës i është keqësuar gjendja dhe ka ndërruar jetë”, thuhet në raport.
Sipas mjekëve, theksohet aty, “vdekja është natyrore megjithatë njësitet policore janë duke kryer hetimet lidhur me rastin”. “Me vendim të prokurorit trup i pajetë i viktimës është dërguar në IML për obduksion”.
Po ashtu, njoftohet se rasti nën hetime.
Nga ana tjetër, sa i përket vdekjes në Veri, thuhet se viktima mashkull kosovar, i cili dyshohet se kishte pasur probleme kronike\shëndetësore është gjetur pa shenja jete në banesën e tij.
“Njësitet policore, dhe zjarrfikësit kanë dalë në vendin e ngjarjes, ndërsa ekipi mjekësor ka konstatuar vdekjen e viktimës. Me urdhër të prokurorit, trupi i pajetë i viktimës është dërguar në IML për obduksion”, theksohet në raport.
Edhe për këtë rast policia ka njoftuar se është duke u hetuar.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’