Kina ka vendosur sanksione ndaj dy kompanive amerikane për përfshirjen e tyre në shitjen e armëve në Tajvan, tha zëdhënësi i Ministrisë së Jashtme kineze Mao Ning.
Ai tha se korporata Lockheed Martin ishte e përfshirë drejtpërdrejt në shitjen e armëve amerikane në Tajvan dhe se Northrop Grumman ishte përfshirë në disa transaksione të tjera në të cilat Tajvani bleu armë amerikane, raporton Reuters.
“Në përputhje me Ligjin për Sanksionet kundër Personave të Huaj, Kina ka vendosur të vendosë sanksione ndaj këtyre korporatave amerikane të mbrojtjes”, tha Mao.
Ai tha se qeveria amerikane po furnizon qëllimisht me armë “rajonin e Tajvanit të Kinës”, pavarësisht kundërshtimit të Pekin-it, duke thënë se shkel parimin e një Kine, se është në kundërshtim me të drejtën ndërkombëtare dhe normat themelore që rregullojnë marrëdhëniet ndërkombëtare.
“Shtetet e Bashkuara po shkojnë në rrugën e gabuar duke armatosur Tajvanin”, shtoi Mao, duke theksuar se Kina i bën thirrje SHBA-ve “të respektojnë sinqerisht parimin e një Kine dhe dispozitat e tre komunikatave të përbashkëta midis Kinës dhe SHBA-ve”, dhe ndalojnë shitjet e armëve në Tajvan.
“Përndryshe, do të ketë një përgjigje vendimtare nga Kina”, ravijëzoi Mao.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Pse Putin e ka hequr aleatin nga posti i ministrit të Mbrojtjes së Rusisë?
-
Von der Leyen injoron të djathtën në Itali, takohet me Tajanin ndërsa eviton Melonin
-
Arrestohet trafikanti më i kërkuar i qenieve njerëzore në Evropë
-
Muhaxheri: Sveçla është në koordinim me Serbinë për sa i përket konfiskimit të armatimit në Veri
Lajmet kryesore
-
Policia konfiskon armë në Veri, i dyshuar është një ish-zyrtar policor
-
Wisner nga Kukësi: Presim përparim për hidrocentralin e Skavicës
-
Von der Leyen injoron të djathtën në Itali, takohet me Tajanin ndërsa eviton Melonin
-
Pas kërkesës së Bardhit, SPAK cakton 24 majin për dëshminë e tij lidhur me dosjen ‘Xibraka’