Këshilli Bashkiak i Birminghamit ka dështuar të paguajë borxhin në lidhje me reparacionet për pagën e barabartë midis burrave dhe grave.
Qyteti i dytë më i madh në Angli, i udhëhequr nga Laburistët, partia kombëtare opozitare, ka nisur procedurat e falimentimit.
Po ashtu është kërkuar nga qeveria ndihmë “për të rikthyer qytetin në një bazë solide financiare”.
Sipas një zëdhënësi të Këshillit Bashkiak, procedurat e falimentimit janë pjesë “e planeve për të përmbushur detyrimet financiare të këshillit në lidhje me pretendimet për paga të barabarta”.
Dhe për “një boshllëk buxhetor, i cili aktualisht shkon rreth 87 milionë paund”.
Shifra do të rritet në 164.8 milionë në vitet 2024/2025.
Problemi është se në 10 vitet e fundit gratë janë paguar më pak se burrat.
Në qershor, Bashkia e qytetit – që ka 3 milionë banorë – kishte njoftuar se kishte një detyrim kontingjent në lidhje me pretendimet për paga të barabarta nga 650 deri në 760 milionë paund.
Për të kuptuar se si është e mundur kjo, duhet parë viti 2012 kur një vendim historik i gjykatës vendosi që Bashkia duhet të kompensojë deri në 1.1 miliardë paund punonjësve të diskriminuar nga pikëpamja e pagave.
Bëhet fjalë për 174 punonjës, kryesisht gra, të cilat punojnë në role si ndihmës mësues, pastrues dhe hoteleri.
Punonjës që nuk kishin përfituar kurrë nga shpërblimet e dhëna atyre që mbanin role tradicionalisht mashkullore.
Llogaritë e bashkisë më pas kaluan në krizë edhe për shkak të krizës së financimit.
Financimi i qeverisë nga Londra ra me 40 për qind në terma realë midis viteve 2009/2010, periudhë e shënuar nga ngritja e konservatorëve në pushtet.
Po ashtu edhe në periudhën kohore 2019/2020.
Njëherazi, britanikët kanë parë rritje të ndjeshme të taksave lokale gjatë kësaj periudhe kohore dhe tendenca ka vazhduar me rritjen e çmimeve, duke përkeqësuar krizën e kostos së jetesës.
Marrë nga “Corriere della Sera”, përshtatur për “Albanian Post”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Nis protesta e opozitës përpara Bashkisë Tiranë, sërish tymues e molotovë drejt godinës
-
PD i kërkon SPAK të hetojë një skemë të pretenduar: Kompania e lidhur me restorantin e Maznikut dhe Fugës fitoi 4 tenderë publikë pa garë
-
Çela në Komisionin e Ligjeve: Harta e re gjyqësore u zbatua me sukses, infrastruktura problem për t’u zgjidhur
-
Ish-kreu i ARRSH në SPAK, ‘për një procedurë’
Lajmet kryesore
-
PD-ja gati për zgjedhje, nis caktimi i drejtuesve të rinj të qarqeve
-
Çela në Komisionin e Ligjeve: Harta e re gjyqësore u zbatua me sukses, infrastruktura problem për t’u zgjidhur
-
Ish-spiuni i Policisë Sekrete të Kinës zbulon operacionet, që synojnë disidentët në Australi dhe jashtë saj
-
Osmani: BE-ja s’po na tregon çfarë të bëjmë për t’u anëtarësuar – ka krijuar bllokadë për çështje të brendshme politike