Teksa mbledhja e kryesisë së Partisë Demokratike vijon ende, është konfirmuar kandidati që do të garojë për Bashkinë e Tiranës.
Bëhet fjalë për Roland Bejkon, i cili do të përballet me Erion Veliajn dhe Belind Këlliçin.
Vendimi është marrë nga Kryesia që u thirr këtë të diel të 26 marsit nga kryetari i komanduar i Partisë Demokratike, Enkelejd Alibeaj.
Bejko u zgjodh me shumicë votash dhe përballë tij qëndronte Jonila Godole.
Demokrati Bejko ka qenë për një periudhë të gjatë kohore kryetar i PD-së në Gjirokastër dhe më pas prefekt në Berat.
Ai njihet për qëndrimet e tij kundër Sali Berishës, sidomos protestës së agravuar të 8 janarit të vitit që lamë pas.
Partia Demokratike ende nuk ka marrë një vendim se si do të futet në zgjedhje.
61 kandidatë për të gjitha bashkitë e vendit. Kandidimi vetëm për këshillat bashkiakë. Kandidatë vetëm për disa nga bashkitë.
Janë këto tre propozimet që po diskutohen e stërdiskutohen nga kryetari i komanduar Enkelejd Alibeaj.
Dilemat brenda grupit vijojnë të jenë të mëdha.
Edhe pse deri më tani janë prezantuar gati 17 kandidatë, në mbledhjet e fundjavës disa deputetë, si Gazmend Bardhi, Jorida Tabaku, Dhurata Çupi dhe Dashnor Sula kërkojnë që PD-ja të mos dalë në zgjedhje me kandidatë.
Ata theksojnë se duhet garuar vetëm për Këshillat Bashkiakë në mënyrë që mos të ndahen votat e votuesve të djathtë (kjo pasi kandidatët e dalë nga primaret e Sali Berishës dhe garojnë në një koalicion vijojnë të cilësohen si kandidatë demokratë).
Nga ana tjetër, vetë Alibeaj ka pranuar se i ka gati emrat për të gjitha bashkitë e vendit.
Ky propozim i tij ka gjetur mbështetje nga disa deputetët demokratë si, Flutur Açka, Arbi Agalliu dhe Kreshnik Çollaku.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Beci: Të tronditur nga humbja e një nëne dhe tre fëmijëve, institucionet të veprojnë
-
Travel off Path: Shqipëria, destinacioni me rritjen më të shpejtë në Evropë
-
Për britaniken Express, Dhërmiu është destinacioni më i bukur evropian për pushimet 2024
Lajmet kryesore
-
Pjesëmarrje masive në tubimin qendror të Frontit Evropian në Tetovë
-
Mbytja e nënës me tre fëmijët në Shkodër, Balla: RENEA vijon kërkimet, dyshime të forta për dhunë në familje
-
Marrëveshja e mbrojtjes me Arabinë Saudite nuk është e mundur pa normalizimin me Izraelin, thonë SHBA-të
-
Mesazhi i Kurtit në 75-vjetorin e Këshillit të Evropës: Kosova – vend që plotëson kriteret e anëtarësimit