A ka paraqitur Serbia kërkesë zyrtare për kthimin e trupave në Kosovë? – Flasin nga KFOR-i për AP
Misioni paqeruajtës i NATO-s në Kosovë (KFOR), nuk ka qenë në gjendje ta mohojë, por as ta pohojë se Serbia zyrtarisht i është drejtuar me një kërkesë për kthimin 1 mijë trupave serbe në Kosovë.
Në një përgjigje për Albanian Post, zëdhënësi i KFOR’it, Vincenzo Grasso, ka bërë të ditur se “Komandanti i KFOR-it mbetet në kontakt të ngushtë me të gjithë homologët e tij, përfshirë përfaqësuesit e institucioneve në Kosovë dhe Organizatat e Sigurisë së Kosovës dhe me Shefin e Forcave të Armatosura të Serbisë”, duke e menjanuar pyetjen e AP-së në lidhje me paralajmërimet e Serbisë se do të paraqesë kërkesë zyrtare për kthimin e personelit serb në Kosovë.
Nga KFOR-i është thënë se mision i tyre për mbrojtjen e shtetit të Kosovës është i qartë dhe se ata vazhdojnë zbatimin e përditshëm të mandatit, bazuar në Rezolutën 1244 të Këshillit të Sigurimit të Kombeve të Bashkuara.
“KFOR-i mbetet jashtëzakonisht vigjilent dhe plotësisht i aftë për të zbatuar mandatin e tij të OKB-së për të siguruar një mjedis të sigurt dhe lirinë e lëvizjes për të gjitha komunitetet që jetojnë në Kosovë”.
“Kjo përfshin patrullimet e zgjeruara në veri të Kosovës, në koordinim të ngushtë me Policinë e Kosovës dhe EULEX-in”, thuhet mestjerash.
Ndryshe, zyrtarët më të lartë insitucionalë në Serbi, pas tensioneve të fundit në pjesën veriore të Kosovës, janë organizuar rreth një tendence qesharake për kthimin e personelit serb në Kosovë, bazuar në Rezolutën 1244 të KS-së së OKB-së e vitit 1999.
Qeveria e Serbisë, në mbledhjen e saj të radhës, pritet të vendosë për dërgimin apo jo të kërkesës tek Komandanti i KFOR-it, për alokimin e 1 mijë pjesëtarëve serbë nga institucionet e sigurisë për në Kosovë.
Megjithatë, ky pretendim i zyrtarëve serbë u kundërshtua në mënyrë të ashpër nga emisari special i Shteteve të Bashkuara të Amerikës për Ballkanin Perëndimor, Gabriel Escobar dhe nga Ministrja e Punëve të Jashtme të Gjermanisë, Analena Baerbock.
Kosova është njohur nga 116 kombe të botës, përfshi ShBA-në, Britaninë e Madhe dhe katër shtetet tjera të QUINT-it, si dhe Deklarata e Pavarësisë është konfirmuar nga Gjykata Ndërkombëtare e Drejtësisë (korrik 2010), plotësisht në përputhje me të drejtën ndërkombëtare dhe me Rezolutën 1244.
Çfarë ndodhi në vitin 2003, kur Gjingjiç kërkoi nga NATO kthimin e ushtarëve serbë në Kosovë
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
Sveçla dhe ministri britanik shkëmbejnë ide për të intensifikuar bashkëpunimin në sigurinë kufitare
-
Mbi 170 policë u hetuan gjatë 2023-së, u ngritën kallëzime penale ndaj 74 pjestarëve
-
Rezistencën dhe trimërinë e familjes Meha e pasoi UÇK-ja, thotë Haradinaj
-
Osmani: Qëllimi i regjimit kriminal të Serbisë ishte shfarosja
Lajmet kryesore
-
Çuçi u kërkon deputetëve socialistë angazhim për turin e Diasporës, pas suksesit me Athinën
-
Ambasada e SHBA-ve: Angazhimi ndaj çështjeve kibernetike synon një ekosistem të mbrojtur digjital
-
Reagon edhe Bullgaria ndaj Davkovës: S’pranojmë deklarata që bien ndesh me Marrëveshjen e fqinjësisë së mirë
-
Osmani: Qëllimi i regjimit kriminal të Serbisë ishte shfarosja