Romano Prodi vlerësohet nga Universiteti i Mjekësisë: BE të përshpejtojë procedurat e zgjerimit
Ish kryeministri italian Romano Prodi është vlerësuar me titullin “Doctor Honoris Causa” nga Universiteti i Mjekësisë.
“Kam lidhje të fortë me Shqipërinë. Nisi në një moment tejet të vështirë. Nuk i harroj dot ato moment të vështira. Erdha dhe pashë Tiranën dhe kuptova se gjërat ndryshojnë. Mund të ndryshojnë. Merita ime më e madhe është që kam vendosur një marrëdhënie respekti dhe barazie, e jo varësie”, ka rikujtuar ai.
Prodi është ndalur edhe në punën e Bashkimit Evropian, nga i cili ka kërkuar përshpejtim të zgjerimit.
“Sot BE ka një ngërç me zgjerimin. Por unë e kam thënë se duhet një zgjerim i shpejtë dhe asokohe më kritikuan, por sot e kuptuan rëndësinë e zgjerimit pas agresionit rus”, ka theksuar ai.
Ndërkohë, rektori Arben Gjata ka vlerësuar kontributin e tij në fushën e arsimit, duke u ndalur edhe në largimin e të rinjve.
“Është e vërtetë për të gjithë botën që ka një lëvizje të madhe të trurit nga një vend në vendin tjetër. Është e domosdoshme që ne të bëjmë gjithë përpjekjet që t’i mbajmë këtu tanët, bile të kemi mundësi të marrim dhe të tjerë të huaj”, ka thënë ai.
Me titullin “Doctor Honoris Causa” u nderua edhe ish-ministri italian i Arsimit, Fabrizio Bianchi.
Ai ka kërkuar nga të rinjtë që të shfrytëzojnë shkëmbimet studentore.
“Shqipëria po investon ne këto momente për edukimin, për arsimin e lartë. Është shumë e rëndësishme që shqiptarët të mund të studiojnë në universitete me cilësi të lartë këtu, por edhe duke ju bashkuar shkëmbimeve studentore jashtë shtetit”, ka thënë ai.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës