Ministrja e Financave dhe Ekonomisë, Delina Ibrahimaj, nga Kuvendi i Republikës së Shqipërisë ka deklaruar se Projekti i Portit të Durrësit është investimi më strategjik dhe projekti më i madh në rajon.
Pasi realizim i tij do të ndikojë në rritjen e ekonomisë së vendit dhe gjenerimin e 12 mijë vendeve të punës.
Ministrja Ibrahimaj tha se për herë të parë shteti është aksioner në një investim të tillë dhe se ka të drejtën e vetos për çështje shumë të rëndësishme.
“Porti tregtar i Durrësit nuk do mbyllet, pasi faza e parë e punimeve nuk e prek. Kur të nisë faza e dytë e projektit, porti tregtar do të zhvendoset në atë të Porto Romanos”.
Ibrahimaj shtoi se ky projekt nuk është vetëm më i madhi në Shqipëri, por në rajon me vlerë 2.1 miliardë euro.
“Ne kemi negociuar për më shumë se një vit, dhe nga 33 kërkesa të investitorit kemi pranuar vetëm 5. Shteti do jetë aksioner me 33% dhe nuk do ndryshojnë në asnjë moment dhe ne kemi të drejtën e vetos për çdo vendimmarrje të rëndësishme”.
Ajo tha se nuk ka asnjë përjashtim nga TVSH dhe kontributet janë 1.1 miliardë euro, e do arkëtohen në formën e taksave në 20 vitet e ardhshme.
“Toka as nuk falet dhe as nuk shitet. Procedura bën që të jetë projekti i parë ku qeveria bëhet aksionere”.
Shkarkimi dhe publikimi i teksteve nga Albanian Post nuk lejohet pa përmendur burimin. Faleminderit për respektimin e etikës së profesionit të gazetarit.
/Albanianpost.com-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Përurohet shtatorja më e madhe e Skënderbeut në tokën italiane, nga arbëreshët e San Basile-s
-
Shqipëria e dyta në botë për azilantët nën 18 vjeç në raport me popullatën, tregon Eurostat
-
Balla thotë se është koha të krijohet shërbimi vullnetar zjarrfikës
Lajmet kryesore
-
Tre monumente të Skënderbeut në Kalabri, Begaj: Simbol për të gjithë shqiptarët
-
“Java e Evropës”, Gonzato: Ta shoqërojmë Shqipërinë në rrugëtimin drejt BE-së
-
Lind manifesti i PSE “Kurrë me ECR dhe ID. Përparimi i ekstremit të djathtë është një kërcënim për BE”
-
Konjufca: BE po pret me padurim të punojë me qeverinë ku bënë pjesë Vulin, po s’janë të gatshëm t’ia heqin masat Kosovës